THUVARHAI 10
10
Mi indik le mi suol khaikhinna
1Solomon Thuvarhai chu.
Naupa var chun pa lâwm a siem a,
Naupa invêt ruok chu nu ta dingin phurrik a nih.
2 #
Lk 12.20 Khawhlona rohai chu ienga khawm a hlâwk nawh a,
Felna ruok chun thinaa inthawkin a san suok.
3Mi fel hringna chu a ṭâm LALPA chun phal naw nih a,
Mi khawhlo thilchâk chu a hnawt hmang.
4Kut zawia sinthaw chu a hung pase a,
Kut taima ruok chun ama chu a sukhausa.
5Nipui laia la khâwmtu chu naupa var a na,
Busîk huna ininnghil ruok chu naupa, inzakna intluntu chu a nih.
6Mi fel lu chunga chun malsâwmnahai a um a,
Mi khawhlo bau ruok chu nunsietnain ân khum.
7Mi indik hriet zingna chu malsâwmin a um a,
Mi khawhlo hming ruok chu thâm hmang a tih.
8Lungrila var chun thupêkhai pawm a ta,
Hmûr khêlinhlip ruok chu sukhnuoi nîng a tih.
9Mi tluongtaka fe chu ngamtakin a feh a,
A lampuihai pêtsantu ruok chu hriet nîng a tih.
10Mi a mit sêp sêp vêltu chun lungngaina ân tlungtir a,
Hmûr khêlinhlip ruok chu sukhnuoi nîng a tih.
11Mi fel bau chu hringna tuikhur a na,
Mi khawhlo bau ruok chu nunsietnain ân khum.
12Theidana chun inkhingna a chawk suok a,
Hmangaina ruok chun bawsietna po po ân khum hmang.
13Hrietthiemna neitu hmûrhaia chun varna hmu a na,
Hmawl ruok chu mi hrietthiemna boa um ruongzâng ta ding a nih.
14Mi var chun hrietna a siekhâwl a,
Mi invêt bau ruok chu sietna zing a nih.
15Mi hausa hausakna chu a khawpui det a na,
Mi pasie suksietna ruok chu an pasietna a nih.
16Mi fel sininrimna chun hringna ân tlun a,
Mi khawhlo hlâwkna chun suolna.
17Sukdikna pawisatu chu hring- na lampuiah a um a nih,
Kâwkna nghatsantu ruok chun a suksuol hlak.
18Hmûr khêlinhlipa theidana chu ip a;
Demna thu sâksuoktu chu invêt a nih.
19Thu um khâwm ṭeu laia hin bawsietna a bo nawh a;
A hmûr vêngṭhatu ruok chun vartakin a thaw a nih.
20Mi fel lei chu tangka ditum ang a na,
Mi khawhlo lungril chu man tlâwmte a nih.
21Mi fel hmûrhai chun mi tamtak a châwm a,
Invêt ruok chu hrietthiemna tlasamin a thi.
22LALPA malsâwmna chun a siem hausa a,
Chutaka chun#Sininrimna chun iengkhawm a belsa nawh lungngaina a belsa nawh.
23Khawhlona thaw hi invêt ta ding chun ruolsiekna ang a na,
Chuong ang bawk chun, hrietthiemna nei mi ta dingin varna chu a nih.
24Mi khawhlo ṭitna chu ama chung ngeiah hung tlung a ta,
Mi fel ditna chu inhlawtlingtir nîng a tih.
25Thlivir chu a fe hmang el hlak angin, mi khawhlo chu a um ta nawh a,
Nisienlakhawm, mi fel chu kumkhaw lungphûm ang a nih.
26Uoin thûrin ha a sukṭim ang le, meikhuin mithai a sukthîp angin,
Chuong ang chu a nih mi thabo chu a tirtuhai ta dingin.
27LALPA ṭina chun nihai chu a suksei a,
Mi khawhlo kumhai ruok chu suktâwi nîng a tih.
28Mi fel beiseina chu lâwmna nîng a ta,
Mi khawhlo beiseina ruok chu bohmang a tih.
29LALPA lampui chu mi tluong ta ding chun kul nghettak a na,
Suolna thawtuhai ta ding ruok chun bohmangna a nih.
30Mi fel chu sawn hmang ni ngai naw nih a,
Mi khawhlo ruok chu hnuoia hin chêng naw nih.
31Mi fel bau chun varna a phusuok a,
Lei khêlinhlip ruok chu ât bawng nîng a tih.
32Mi fel hmûrhai chun lâwm tlâkhai chu a hriet a,
Mi khawhlo bau ruok chun khêlthu a sâk suok hlak.
Currently Selected:
THUVARHAI 10: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
