Popular Bible Verses from THUVARHAI 11

Share

Mi tiktlai chu sukthâu nîng a ta, Tui buoktu chu, ama ngei khawm tui buokkhum nîng a tih.

Semdar raka pung deu deu si a um a, Mamaw tâwk bâk inro tlata tlasam si a um bawk a.

Chapona chu a hung pha chun, inzaknain a hung zui; Varna ruok chu inngaitlâwmhai kuomah a um.

Inṭhuoina var um nawnaa chun mi an tlu hlak a, Thurâwntu tamtakhai lai ruok chun himna a um.

Mi fel ra chu hringna thingkûng a na, Lungrilhai latu chu mi var a nih.

Mi lâwt vêltu anga invâk vêl chun thurûk a phawr hlak a, Mi lungril ringumtak ruok chun thu chu a ip hlak.

Mi zainêmtak chun a lungril ta ding ngeiin thil ṭha a thawh a, Mi rilo ruok chun ama tisa ngei a sukbuoi.

A hausaknahai ring mi chu tlûng a ta, Mi fel ruok chu hna hring angin inno a tih.

Lungsen nia chun hausakna chu a ṭhahnem chuong nawh a, Felna ruok chun thinaa inthawkin a sansuok.

Mi tluong chu a lungril indiktak chun ṭhuoi a ta, Bawsetuhai ruok chu an khêl- inhlipnain anni suksieng a tih.

Nuhmei hmêlṭha ngairuotthiemna neilo chu, Vawkpui hnâra rângkachak kutsebi ang a nih.

Bûkna indik naw chu LALPA ta dingin tirdakum a nih; Inkhîna indik ruok chu a lâwm zâwng a nih.