THUHRILTU 11
11
Mi var umdân
1 #
Mt 10.42 Tuihai chunga chun i bei chu pei la,
Ni tamtak hnunga chun i hmu nâwk ding a ni sih a.
2 #
1 Tim 6.18; Mik 5.5; Eph 5.16 Chan chu hmun sariah sem lem la, anih, hmun rieta khawm;
Hnuoi chunga hin thil ṭha naw ieng am a hung ding ti i hriet si nawh a.
3Sûmhai chu ruoa an sip hle chun hnuoi chungah an insukruok hlak a,
Thing hi chu hmârtienga manih, simtienga manih a tlu chun,
A tlûkna hmuna chun thing chu um a tih.
4Thli nghâktu chun thlaichi thlâk naw nih a,
Sûmhai pawisatu chun sîk ngai bawk naw nih.
5 #
Jn 3.8 Thli lampui chu khâwtieng am ti i hriet naw angin le, nau vawntu phîng sûnga chun iengtin am ruhai chu an inṭhanga ti i hriet naw angin, thil po po thawtu Pathien sinthaw chu i hriet nawh.
6Zingkâr chun i thlaichi chu thlâk la, zântienga khawm i kut chu la kîr naw rawh; a ieng lem am a hung hlawtling ding, a hi am a nih a kha am a nih, an pahni ve vein angkhat an ni ding am khawm i hriet si nawh a.
7Var chu ân hawi a, mithai ta dinga thil inhawi chu nisa hmu hi a nih.
8Anih, mi chu kum tamtak a dam chun, chuonga po po chun ama chu hlim raw se; amiruokchu, inthim lai nihai chu hre zing raw se, tamtak an ni ding a ni sih a. Chuong a hung tlunghai po po chu teplo el a nih.
Naupanghai infuina
9Aw tlangvâl, i tlangvâlnaa chun hlim rawh; i vânglai nihaia chun i lungril chu hlim sienla, i lungril lampui chu hraw la, i mithmu ngeia chun; amiruokchu, hieng thil po poa ding hin Pathien chun rorêlnaah a ṭhuoilût ding che a nih ti hre rawh.
10Chuleiin, i lungrila inthawkin lungngaina chu sie hmang la, i tisaa inthawk chun thil ṭha naw chu sie hmang bawk la, tlangvâl lai le vânglai nihai hi teplo el a ni sih a.
Currently Selected:
THUHRILTU 11: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
