THUHRILTU 12
12
1I vânglai nihaia chun nangma Siemtu che chu hre zing la, kumhai a hung hnai a, ni ṭha nawhai a hung tlung hma le;
2chu huna chun, “Annia chun inhawitina ka nei nawh,” i tina hun a hung tlung hma hin; nisa amanih, var amanih, thla amanih, arasihai amanih an inthim hmain, sûmhai chu ruo hnunga an hung ki nâwk hma hin.
3In vêngtuhai chu an inthin a, mi hrâthai chu an kûn a, bu râwttuhai chu an tlâwm leia an maa, tukvera dâkhai chu an inthim nia chun;
4kawtthlêrahai chun kawtkhâr- hai khâr a na, thil râwt rihai chu a hung dei a, mi chu vate râwl ria chun a hung tho a, thil ri mawi naunu- hmeihai po po chu sukhnuoi an hung na;
5anni chun ân sâng chu an ṭih a, lampuia chun ṭitna a hung um a, almond thing chu a hung kumûm a, khâuṭhikṭhihai chu buoipuium an hung ni a, nuom zâwng dâm chun a hung hlawsam a, mi chu a chatuon ina chun a fe ta leiin le, lusûnhai chun kawtthlêrhai chu an fang leiin le;
6tangkaraw hrui chu suktan a ni leiin le, rângkachak maihûn amanih, tuibêl kekuol chu a tliekin amanih; Pil bêl amani chu tuikhura chun sukkawi a ni leiin amanih,
7pilvut chu a nina anga hnuoia a kîr nâwk hmain le thlarau chu ama petu Pathien kuoma a kîr nâwk hmain.
8“Teplohai teplo,” Thuhriltu chun a tih, thil po po hi teplo a nih.
Mihriem thilthaw ding
9Chu bâka chun, Thuhriltu hi a var leiin, mihai chu hrietthiemna ân chûktir hlak a, anih, a ngaituoh a, a zawngsuok a, thuvar tamtakhai chu indawt peiin a sieh a.
10Thuhriltu chun thu pawmtlâk- hai chu hmu suok dingin a zawng a, chuong zieka umhai chu thu ngîl, thudik thuhai chu an nih.
11Mi var thuhai chu hmawl a hmawra thilzum um ang a na, chun, Berâm vêngtu pakhata inthawka pêk thuvar lâk khâwmhai chu thîrkil vuok det tlat ang chu a nih.
12Chun, chu bâka chun, ka naupa, infuiin um la, lekhabu tamtak siem hin tâwp lêm a nei nawh a; inchûk tam khawm hi taksa inrimna chau a nih.
13Hi hi thil tâwp chu a nih; thil po po chu hriet a ni tah a; Pathien ṭî la, a thupêkhai chu zâwm rawh; hi hi mi- hriem thilthaw ding pumpui chu a nih.
14Pathien chun sin tinrêng chu rorêlnaah a hung lâk lût ding a ni sih a, thil inthuphai po po le, a ṭha khawm a ṭha naw khawm chu.
Currently Selected:
THUHRILTU 12: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
