Popular Bible Verses from THUHRILTU 11

Share

Aw tlangvâl, i tlangvâlnaa chun hlim rawh; i vânglai nihaia chun i lungril chu hlim sienla, i lungril lampui chu hraw la, i mithmu ngeia chun; amiruokchu, hieng thil po poa ding hin Pathien chun rorêlnaah a ṭhuoilût ding che a nih ti hre rawh.

Chuleiin, i lungrila inthawkin lungngaina chu sie hmang la, i tisaa inthawk chun thil ṭha naw chu sie hmang bawk la, tlangvâl lai le vânglai nihai hi teplo el a ni sih a.

Thli nghâktu chun thlaichi thlâk naw nih a, Sûmhai pawisatu chun sîk ngai bawk naw nih.

Thli lampui chu khâwtieng am ti i hriet naw angin le, nau vawntu phîng sûnga chun iengtin am ruhai chu an inṭhanga ti i hriet naw angin, thil po po thawtu Pathien sinthaw chu i hriet nawh.

Zingkâr chun i thlaichi chu thlâk la, zântienga khawm i kut chu la kîr naw rawh; a ieng lem am a hung hlawtling ding, a hi am a nih a kha am a nih, an pahni ve vein angkhat an ni ding am khawm i hriet si nawh a.

Chan chu hmun sariah sem lem la, anih, hmun rieta khawm; Hnuoi chunga hin thil ṭha naw ieng am a hung ding ti i hriet si nawh a.