BIAPHUAN 10
10
1Khuadawm in â thuammi, a ṭhawng ngaimi vanmi dang van in a run kha ka hmuh ṭhân rih. A lu ah chuncha a zâm i a hmai cu ni bantuk a si. A ke cu meitung bantuk a si. 2A kut ah cauk a fate kau ciami â put. A orhlei ke in rili a lamh i a kehlei in vulei a lamh, 3cun thangngai in chiandeih bantukin a awn. Cuti a awnh lio ah khuari pasarih hna nih aw an rak chuah ve. 4Cubangin khuari pasarih hna nih an aw an chuah lio ah, ṭial ka rak timh, asinain vanin aw pakhat ka theih i, “Khuari pasarih hna chimmi kha chinchiah law ṭial hna hlah,” tiah a ti. 5Vanmi rili le lei lamh bu i a dirmi nih khan vanlei ah a ban a thlir, 6cun zungzal in zungzal tiang a nungmi, van le a chung i thil a ummi hna le, vulei le a chung i thil a ummi hna le, rili le a chung i a ummi vialte Sertu chalh in, cucu rauhter a si ti lai lo, 7asinain vanmi pasarih hna thawngpâng a um lio cân i tum a hun timh lio ah, a sal profet hna sin i a chimmi Pathian biathli kha a tling dih cang lai. 8Cuticun van in aw ka theihmi nih khan a ka chawnh ṭhân i “Rili le vulei lamh in a dirmi vanmi kut i kau ciami cauk fate khi va la,” tiah a ka ti. 9Cuticun vanmi sinah ka va kal i a sinah cauk fate kha ka pe tuah tiah ka ti. Anih nih ka sinin la law a dihlak in ei, hi nih hin na paw a khâtter dih lai, asinain nakâ ahcun khuaihliti bangin a thlum lai tiah a ti. 10Cuticun vanmi kut cauk fate cu ka lak i ka ei, ka kâ ahcun khuaihliti bangin a thlum, asinain ka ei dih in ka paw cu a khâ dih. 11Anih nih, “Mibu tampi, miphun tampi, holh tampi le siangpahrang tampi hna kong kha na phuan ṭhân hrimhrim lai,” tiah a ka ti.
Currently Selected:
BIAPHUAN 10: HAKABSI
Highlight
Copy
Compare
Share
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
