Popular Bible Verses from BIAPHUAN 10

Share

asinain vanmi pasarih hna thawngpâng a um lio cân i tum a hun timh lio ah, a sal profet hna sin i a chimmi Pathian biathli kha a tling dih cang lai.

Anih nih, “Mibu tampi, miphun tampi, holh tampi le siangpahrang tampi hna kong kha na phuan ṭhân hrimhrim lai,” tiah a ka ti.

Khuadawm in â thuammi, a ṭhawng ngaimi vanmi dang van in a run kha ka hmuh ṭhân rih. A lu ah chuncha a zâm i a hmai cu ni bantuk a si. A ke cu meitung bantuk a si.

Cuticun vanmi sinah ka va kal i a sinah cauk fate kha ka pe tuah tiah ka ti. Anih nih ka sinin la law a dihlak in ei, hi nih hin na paw a khâtter dih lai, asinain nakâ ahcun khuaihliti bangin a thlum lai tiah a ti. Cuticun vanmi kut cauk fate cu ka lak i ka ei, ka kâ ahcun khuaihliti bangin a thlum, asinain ka ei dih in ka paw cu a khâ dih.