JEIM 3
3
1Ka u le nau hna, cawnpiaktu nih biaceihnâk a hleiin kan ton lai ti kha hngal in, nanlak ah mi tampi cu cawnpiaktu ah rak um hlah u. 2Zeitintiah kan dihlak in thil tampi ah sualnâk kan tuah tawn. Bia chim lei i a palh lomi cu mi tlamtling a si i a pum â uk khomi a si. 3Kan bia an ngaih khawh nâkhnga rang kâ ah châk kan banh ahcun an pum kha kan duhnâk lei pauh ah kan mer khawh. 4Tilawng zong khi zohmanh, nganpi an si i thli nih a chawih tawn hna, a kaltertu nih thil hme te hmangin a duhnâk pauh ah a kalter tawn. 5Cubantukin lei zong pumnge fate a si i ngan ngaiin â uah tawn. Zohhmanh u, meici fate nih ram zeitluk ngan dah a kangh tawn. 6Lei hi mei a si, sualpalhnâk vawlei pakhat a si. Lei hi kan pumpuluk thûrter kho dingin chiahmi pumnge a si. Kan kokek ziaza hi a kangh i cucu hell mei in khanghmi a si. 7Zeitintiah ramsa le vate vialte, sermi thilnung hna le ti chung i a nungmi hna zong hi ngamter khawh an si, minung nih an ngamter tawn hna. 8Asinain lei hi a hohmanh nih an ngamter kho lo. Uk khawh lomi sual, thihnâk sivai i a khatmi a si. 9Cu nih cun kan Pathian le Pa kan thangṭhat i cu ṭhiamṭhiam in Pathian lo in sermi kan minung hawi chiat kan serh tawn hna. 10Kâ pakhat in thangṭhatnâk le chiatserhnâk a chuakṭi tawn, ka ule nau hna, cubantuk cu a si awk a si lo. 11Tikhor nih hin ti hna pakhat in a thawmi ti le a khami ti a chuahter bal maw? 12Ka ule nau hna, theipi kungah Olive thei a tlai bal maw? Asiloah misur ruangah theipi a tlai kho maw? Cubaktukin ti hnâ pakhat nih ti-al le ti-allo a chuahter bal lo. 13Nanlakah ahodah a fim i a theithiam khomi a um? Â dawhmi nun in an tuahsernâk kha toidornâk in fimnâk i tuahmi a si kha langhter hna seh. 14Asinain nan thinlungin a khâ mi hnachuahnâk le mah zawn lawng ruahnâk nan ngeih ahcun biatak cu ruamkai hnawh hlah ulaw, lih in ralchanh fawn hlah u. 15Cubantuk fimnâk cu cung leiin a rami a si lo, vawlei thil, thisa le khuachia in a rami a si. 16Zeitintiah hnahchuahnâk le mahzawn lawng ruahnâk a umnâk ah cun, buainâk le sualnâk phunkip a um tawn. 17Asinain cung leiin a chuakmi fimnâk cu hmaisa bik ah a thiang, cuhnu ah daihnâk a duh, a nun a nem, nawl a ngai, zângfahnâk le theipar ṭha in a khat, thleidan a ngei lo i ziar a ngei lo. 18Dinnâk theitlai cu daihnâk sertu hna nih daihnâk in an tuh tawn.
Currently Selected:
JEIM 3: HAKABSI
Highlight
Copy
Compare
Share
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
