Popular Bible Verses from JEIM 3

Share

Asinain cung leiin a chuakmi fimnâk cu hmaisa bik ah a thiang, cuhnu ah daihnâk a duh, a nun a nem, nawl a ngai, zângfahnâk le theipar ṭha in a khat, thleidan a ngei lo i ziar a ngei lo.

Nanlakah ahodah a fim i a theithiam khomi a um? Â dawhmi nun in an tuahsernâk kha toidornâk in fimnâk i tuahmi a si kha langhter hna seh.

Dinnâk theitlai cu daihnâk sertu hna nih daihnâk in an tuh tawn.

Zeitintiah hnahchuahnâk le mahzawn lawng ruahnâk a umnâk ah cun, buainâk le sualnâk phunkip a um tawn.

Cu nih cun kan Pathian le Pa kan thangṭhat i cu ṭhiamṭhiam in Pathian lo in sermi kan minung hawi chiat kan serh tawn hna. Kâ pakhat in thangṭhatnâk le chiatserhnâk a chuakṭi tawn, ka ule nau hna, cubantuk cu a si awk a si lo.

Lei hi mei a si, sualpalhnâk vawlei pakhat a si. Lei hi kan pumpuluk thûrter kho dingin chiahmi pumnge a si. Kan kokek ziaza hi a kangh i cucu hell mei in khanghmi a si.

Asinain lei hi a hohmanh nih an ngamter kho lo. Uk khawh lomi sual, thihnâk sivai i a khatmi a si.

Ka u le nau hna, cawnpiaktu nih biaceihnâk a hleiin kan ton lai ti kha hngal in, nanlak ah mi tampi cu cawnpiaktu ah rak um hlah u.