GALATIH 6
6
1Unau hna, mi pakhat cu sual nih a tlaih tikah, nannih thlarau mi hna nih nunnemnâk in an sinâkhmasa ah siter ṭhân va zuam ulaw, tukforhnâk nan ton sualnâk hnga lo ralrinnâk tu ah hmang u. 2Pakhat le pakhat nan thilrit i châng u law Krih nawlbia nan tlinter a si lai. 3Zeitintiah zeihmanh siṭung loin biapi ngai i â ruatmi cu amah le amah â hlengmi a si. 4Asinain mikip nih mahle rian cio zohfiang hna sehlaw hawi he um loin, amah lawng a um zongah â lawm peng ko lai. 5Zeitintiah mikip nih mahle thil cio an phorh te ko lai. 6Bia cawnpiak a simi nih cawnpiaktu sinah a ngeihmi thilṭha vialte hrawm ve seh. 7Hlen in um hlah u, Pathian cu nihsawh ding a si lo. Mi nih a tuhmi thlaici bangin a zûn te ko lai. 8Thisa lei in a tuhtu nih thisa chungin rawhnâk a zûn lai, Thlarau lei i tuhtu nih Thlarau sinin zungzal nunnâk a zûn te lai. 9Cuticun thilṭha tuah neng hlah u sih. Kan i thlahdorh lo ahcun a cân te ah kan zûn te ko lai. 10Cucaah cân rem kan ngeih ning cio in, mi vialte cungah thilṭha tuah u sih, a hleiin zumhnâk i kan chung le sinah tuah u sih. 11Zohhmanh u, keimah kut hrimhrim in nan sinah cafang ngan pipi in ka ṭial. 12Mihmuh i zohdawh si a duhmi nih cuarpartan an in fial hna. Hihi zeidang ruangah a si lo. Krih vailam ruang i serhsatnâk in luat an duh caah a si. 13Zeitintiah cuarpartanmi zong nih nawlbia cu an zul hlei ṭung lo, nanpum cungah hmaihngal pi ding ngeih an duh ruangah cuarpartan an in fial hna. 14Kan Bawipa Jesuh Krih vailam dah ti lo cu Pathian nih hmaihngal pi a ka sianglo, cu thawng cun vawlei hi ka caah khenhchih a si i kei zong vawlei caah khenh chih ka si ve. 15Krih Jesuh ah cun cuarpartan hi zeihmanh san a tlai lo i cuarpartan lo zong zeihmanh san a tlai hlei lo. San a tlaimi cu sertharnâk hi a si. 16Cun hi phung ningin a kalmi hna sinah daihnâk le zângfahnâk an cungah um ko seh, cun Pathian Israel hna cung zongah um ko seh. 17Atu thawkin ahohmanh nih hna ka hnawh ti hna hlah seh, zeitintiah Bawipa Jesuh chinchiahnâk cu ka pum cungah hin kâ put cang. 18Ule nau hna, Bawipa Jesuh Krih zângfahnâk nan thlarau sinah um ko seh. Amen.
Currently Selected:
GALATIH 6: HAKABSI
Highlight
Copy
Compare
Share
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
