GALATIH 5
5
1Cucaah Krih nih akan pêkmi zalonnâkah fek tein dir ulaw, sal hngawngkual ah tângti hlah u. 2A ngaingai ti ahcun, keimah Paul nih, nan sinah ka chim, cuarpar nan tan ahcun Krih nih zeihmanh an ṭhathnem hna lai lo. 3Cuarpar â tanmi hna cu nawlbia vialte zulh awkah leiba â sertu an si, tiah ka hngalhter ṭhân hna. 4Nannih nawlbia in thiamco â timmi hna, Krih he nan i ṭhen cang, zângfahnâk in nan tlu cang. 5Kannih nih Thlarau thawngin zumhnâk i dinnâk kha ruahchannâk he hngahhlang ngaiin kan hngak. 6Zeitintiah Krih Jesuh ah cun cuarpartan hi zeihmanh a ṭhahnem lo, cuarpar tanlo zong zeihmanh a ṭhahnem hlei lo. Zumhnâk, dawtnâk i ṭuan lawng kha a ṭhahnemmi cu a si. 7Ṭha tein nan tli. Ahonihdah biatak zulh nâkin an kham hna? 8Hibantuk i an tukforhtu hna hi nanmah kotu sinin a si lo. 9Thilnu tlawmte nih changreu cu a dih lakin a thawhter tawn. 10Ruahnâk dang nanngei lailo tiah Bawipa ah ka zumh, an buaitertu hna cu ahoansihmanh ah biaceihnâk cu an in ko lai. 11Unau hna, keinih cuarpar tannâk kong ka chim ahcun, zeiruangahdah serhset ka si ko rih? Cutinsisehlaw vailam i tluknâk hi a dih diam cang hnga. 12An buaitertu hna cu fing tein i tan lawlaw hna sehlaw ka hei duh dah. 13Ule nau hna, zalong ding i kawhmi nan si, nan zalonâk tu cu thisa caah cânremah hmang hlah u, dawtnâk in rian i ṭuanpiak cio u. 14Zeitintiah “Nangmah nâdawt bangin na innpa na dawt lai” timi biafang khat nih Nawlbia vialte a tlinter dih. 15Asinain nan i seh i nan i ei ahcun, nan i hrawk dih te lai, i ral ring u. 16Cuticun hihi ka chim: Thisa duhnâk nan tlinter nâkhnga lo Thlarau ah um u. 17Zeitintiah thisa duhnâk nih Thlarau a ralchanh i Thlarau zong nih thisa a ralchanh. Cuticun tuah nanduh mi nan tuah khawhlonâk cu hi hna pahnih ralchanh ruangah a si. 18Asinain Thlarau hruai i nan um ahcun, nawlbia tangah nan um ti lo. 19Thisa duhnâk hna cu a fiang ko, cuhna cu, ṭangdangkainâk, nupa sualnâk, thurhnawmhnâk, hornâk, 20milem biaknâk, doihthiamnâk, huatnâk, i siknâk, hnahchuahnâk, thinhunnâk, mahzawn lawng ruahnâk, lungruallonâk, zumhnâk dang ngeihnâk, 21hnahchuahnâk, lainawnnâk, zuritnâk, zuhmun nuamtinâk hna an si. Cubantuk thil tuah a hmangmi hna nih Pathian pennâk an co lai lo, tiah kan chimh chung hna bang khan, atu zongah ka chim ṭhân. 22Thlarau theitlai tu cu, dawtnâk, lawmhnâk, daihnâk, lungsaunâk, zângfahnâk, ṭhatnâk, zumhawktlaksinâk, 23toidornâk le i sumkhawhnâk an si, cu thil hna ralchanh in nawlbia zeihmanh a um lo. 24Cun Krih Jesuh ta a simi hna nih an thisa cu a duhnâk le tlaihchannâk hna he an khenhchih cang. 25Thlarau ah kan nun ahcun, Thlarau zongah kal u sih. 26Mah le mah i hlawrh le thin i hunter le hnahchuahnâk ngeiin um hlah u sih.
Currently Selected:
GALATIH 5: HAKABSI
Highlight
Copy
Compare
Share
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
