Popular Bible Verses from GALATIH 6

Share

Cuticun thilṭha tuah neng hlah u sih. Kan i thlahdorh lo ahcun a cân te ah kan zûn te ko lai.

Cucaah cân rem kan ngeih ning cio in, mi vialte cungah thilṭha tuah u sih, a hleiin zumhnâk i kan chung le sinah tuah u sih.

Pakhat le pakhat nan thilrit i châng u law Krih nawlbia nan tlinter a si lai.

Hlen in um hlah u, Pathian cu nihsawh ding a si lo. Mi nih a tuhmi thlaici bangin a zûn te ko lai.

Thisa lei in a tuhtu nih thisa chungin rawhnâk a zûn lai, Thlarau lei i tuhtu nih Thlarau sinin zungzal nunnâk a zûn te lai.

Unau hna, mi pakhat cu sual nih a tlaih tikah, nannih thlarau mi hna nih nunnemnâk in an sinâkhmasa ah siter ṭhân va zuam ulaw, tukforhnâk nan ton sualnâk hnga lo ralrinnâk tu ah hmang u.

Zeitintiah zeihmanh siṭung loin biapi ngai i â ruatmi cu amah le amah â hlengmi a si. Asinain mikip nih mahle rian cio zohfiang hna sehlaw hawi he um loin, amah lawng a um zongah â lawm peng ko lai. Zeitintiah mikip nih mahle thil cio an phorh te ko lai.