Popular Bible Verses from GALATIH 5

Share

Thlarau theitlai tu cu, dawtnâk, lawmhnâk, daihnâk, lungsaunâk, zângfahnâk, ṭhatnâk, zumhawktlaksinâk, toidornâk le i sumkhawhnâk an si, cu thil hna ralchanh in nawlbia zeihmanh a um lo.

Cuticun hihi ka chim: Thisa duhnâk nan tlinter nâkhnga lo Thlarau ah um u.

Thlarau ah kan nun ahcun, Thlarau zongah kal u sih.

Cun Krih Jesuh ta a simi hna nih an thisa cu a duhnâk le tlaihchannâk hna he an khenhchih cang.

Thisa duhnâk hna cu a fiang ko, cuhna cu, ṭangdangkainâk, nupa sualnâk, thurhnawmhnâk, hornâk, milem biaknâk, doihthiamnâk, huatnâk, i siknâk, hnahchuahnâk, thinhunnâk, mahzawn lawng ruahnâk, lungruallonâk, zumhnâk dang ngeihnâk, hnahchuahnâk, lainawnnâk, zuritnâk, zuhmun nuamtinâk hna an si. Cubantuk thil tuah a hmangmi hna nih Pathian pennâk an co lai lo, tiah kan chimh chung hna bang khan, atu zongah ka chim ṭhân.

Ule nau hna, zalong ding i kawhmi nan si, nan zalonâk tu cu thisa caah cânremah hmang hlah u, dawtnâk in rian i ṭuanpiak cio u.

Zeitintiah thisa duhnâk nih Thlarau a ralchanh i Thlarau zong nih thisa a ralchanh. Cuticun tuah nanduh mi nan tuah khawhlonâk cu hi hna pahnih ralchanh ruangah a si.

Zeitintiah “Nangmah nâdawt bangin na innpa na dawt lai” timi biafang khat nih Nawlbia vialte a tlinter dih.

Mah le mah i hlawrh le thin i hunter le hnahchuahnâk ngeiin um hlah u sih.

Cucaah Krih nih akan pêkmi zalonnâkah fek tein dir ulaw, sal hngawngkual ah tângti hlah u.