2 THESALON 2
2
1Cubangin ule nau hna, kan Bawipa Jesuh Krih ratnâk le a sin i pumh kan si lainâk kongah, 2kanmah chimmi bang i puh in, ca in siseh, bia in siseh, thlarau in siseh, Krih ni cu a phân diam cang timi nih nan ruahnâk a hninh i nan buai nâkhnga lo kan in nawl hna. 3Ahohmanh nih zei lei hmanh in in hleng hna hlah seh; tluktâknâk kha a phanh hmasat i misualpa lotlau fapa kha a langh hlanah cun cuni cu a phân lai lo, 4amah nih Pathian tiah min an bunhmi le biakmi vialte ralchanh in, an cungah â hlawrh lai, Pathian bangtukin Pathian ṭempal ah ṭhu in Pathian bangin â langhter lai. 5Nan sin ka um lio ah khan cu thil cu kan chimh cang hna ti kha nan hngal rih ko lo maw? 6Amah cân te i a langh khawhnâk caah atu ah hin zeinihdah a donh ti kha nan hngalh. 7Zeitintiah phunglo-umnâk biathli nih atu zongah ṭuan hram a thawk cang. Asinain lak a sihlan pauh cu dawntu nih a donh rih. 8A dawntu cu lak a si hnuah phunglo-umpa cu a lang cang lai, Bawipa â langhnâk i a liannganmi ceunâk nih a hrawh lai i a kâ i thaw in amah cu a khangh lai. 9Phunglo-umpa ratning cu Satan rianṭuannâk zulhin a ra lai, ṭhawnnâk le, hmelchunhnâk le, lih in khuaruahharnâk phun kip he a ṭuan lai, 10cun a lotlau ding a simi hna cu, dinlonâk vialte in hlen an si lai, zeicatiah khamh an si khawh nâkhnga dawtnâk biatak kha an cohlang duh lo. 11Hi ruangah hin lih kha an zumh nâkhnga Pathian nih a ṭhawngmi hlennâk kha a thlah hnawh hna lai, 12biaktak zum lo i dinlonâkah â lawmmi vialte nih thiamlo an co nâkhnga. 13Asinain Bawipa dawtmi ule nau hna biatak zumhnâk le Thlarau thianternâk thawngin Pathian nih a hramthawk in khamhnâk co dingah an thim hna caah Pathian sinah lawmhnâk bia chim zungzal dingin ṭemchihmi kan si. 14Cu thil caah Bawipa Jesuh Krih lianngannâk cove dingin kan thawngṭha bia hmangin Amah nih an kawh hna. 15Cucaah ule nau hna, fek tein dir u law, bia in siseh câ in siseh kan in cawnpiakmi hna le chanhmi kha i tlaih peng u. 16Cubangin kan Bawipa Jesuh Krih le kan Pa Pathian a kan dawtu le zângfahnâk ruangah zungzal hnangamnâk le ruahchannâk ṭha a kan petu Amah hrimhrim nih, 17nan lungthin kha hnangam terin bia ṭha phun kip le tuahsernâk phun kip in in fehter hna seh.
Currently Selected:
2 THESALON 2: HAKABSI
Highlight
Copy
Compare
Share
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
