Popular Bible Verses from 2 THESALON 2

Share

Ahohmanh nih zei lei hmanh in in hleng hna hlah seh; tluktâknâk kha a phanh hmasat i misualpa lotlau fapa kha a langh hlanah cun cuni cu a phân lai lo

Asinain Bawipa dawtmi ule nau hna biatak zumhnâk le Thlarau thianternâk thawngin Pathian nih a hramthawk in khamhnâk co dingah an thim hna caah Pathian sinah lawmhnâk bia chim zungzal dingin ṭemchihmi kan si.

amah nih Pathian tiah min an bunhmi le biakmi vialte ralchanh in, an cungah â hlawrh lai, Pathian bangtukin Pathian ṭempal ah ṭhu in Pathian bangin â langhter lai.

Cubangin kan Bawipa Jesuh Krih le kan Pa Pathian a kan dawtu le zângfahnâk ruangah zungzal hnangamnâk le ruahchannâk ṭha a kan petu Amah hrimhrim nih, nan lungthin kha hnangam terin bia ṭha phun kip le tuahsernâk phun kip in in fehter hna seh.

Hi ruangah hin lih kha an zumh nâkhnga Pathian nih a ṭhawngmi hlennâk kha a thlah hnawh hna lai

Phunglo-umpa ratning cu Satan rianṭuannâk zulhin a ra lai, ṭhawnnâk le, hmelchunhnâk le, lih in khuaruahharnâk phun kip he a ṭuan lai, cun a lotlau ding a simi hna cu, dinlonâk vialte in hlen an si lai, zeicatiah khamh an si khawh nâkhnga dawtnâk biatak kha an cohlang duh lo.

Zeitintiah phunglo-umnâk biathli nih atu zongah ṭuan hram a thawk cang. Asinain lak a sihlan pauh cu dawntu nih a donh rih.