2 THESALON 3
3
1A donghnâk ah u le nau hna, Bawipa bia nan rak sunloih bantukin ṭhawng ngai le khulrangin a karh khawh nâkhnga thla kan cam piak u, 2khuaruat setsai lomi le misual kutin khamh kan si nâkhnga, zeitintiah mi vialte nih zumhnâk kha an ngei lo. 3Asinain Bawipa cu zumh a tlâk, Amah nih an fehter hna lai i mi ṭhalo pa sinin an kilven hna lai. 4Cun nawl kan in pêkmi hna kha nan tuah i nan tuah lengmang ko lai tiah Bawipa ah kan hna a ngam ko. 5Cubangin Bawipa nih nan lungthin kha Pathian dawtnâk le Krih inkhawhnâk ah in chia ko hna seh. 6Asinain u le nau hna, kan sin in theihternâk an hmuhmi ningin um loin ningcang loin khua a sami hna chungin a dang te i um dingin kan Bawipa Jesuh min in nawl kan in pêk hna. 7Zeitintiah nanmah hrimhrim nih zohchunh awk nan kan ngei, nan sinah ningcang loin khua kan sa bal hrimhrim lo, 8asiloah aho rawl hmanh man loin kan ei bal lo, nan lakah ahohmanh thil rit pelo dingin chun zan hlan in thaba ngaiin rian kan ṭuan. 9I cawmkenter awkah nawlngeihnâk kan ngeih lo ruangah a si lo, nan ca-ah zohchunh awk tlâk si kha kan i timhmi a si. 10Zeitintiah nan sin i kan um lio zongah hi nawl hi kan in pêk cang hna. “Ahohmanh rian a ṭuan lo ahcun, a ei zong ei hlah seh,” timi hi. 11Zeitintiah nan lakah cheu khat ningcang loin a ummi thawng kan theih, cu hna nih rian an`uan hrimhrim lo, midang rianah an i hlinh i hna an hnawh hna. 12Cubantuk mi hna cu dai tein rian an ṭuan i mah le rawl cio ei i tim hna seh, ti hi Bawipa Jesuh Krih ah nawl kan pêk hna i tha zong kan pêk hna. 13Ule nau hna, nannih cu thil ṭha tuah kha neng hlah u. 14Ahohmanh nih hi kan ca i kan bia hi a zulh lo ahcun, cu hna cu i chinchiah ulaw, anning a zah khawh nâkhnga kawm hna hlah u. 15Asinain ral zoh in zoh hna hlah u, unau bangin chimhring hna u. 16Daihnâk Bawipa Amah hrimhrim nih a lam kipah daihnâk in pe zungzal ko hna seh. Bawipa cu nan dihlak cungah um ko seh. 17Kuttlaihnâk hi keimah Paul nih ka kut hrimhrim in ka ṭialmi a si. Hibantuk i ka ṭialmi hi ka cakuat vialte hmelchunhnâk a si. 18Kan Bawipa Jesuh Krih zângfahnâk nan dihlak cungah um ko seh. Amen.
Currently Selected:
2 THESALON 3: HAKABSI
Highlight
Copy
Compare
Share
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
