2 THESALON 1
1
1Paul, Silvanas le Timote nih, Pathian kan Pa le Bawipa Jesuh Krih i Thesalon kawhhran hna sinah. 2Pa Pathian le Bawipa Jesuh Krih sinin zângfahnâk le daihnâk nan sinah um ko seh. 3Unau hna nanmah kongah Pathian sinah lawmhnâk bia chim awk kan ngei, cucu kan tuah awk hrimhrim a si, zeicatiah nan zumhnâk kha a ṭhang ngaingai i pakhat le pakhat nan i dawtnâk zong a karh chin leng mang, 4Cuticun serhsatnâk le harnâk vialte nan tuarnâk i nan inkhawhning le nan zumhnâk ruangah Pathian kawhhran hna sinah kan hmai a hngal tawn, 5A dingmi Pathian biaceihnâk ah Pathian pennâk chungmi si awktlak i rel chih nan sinâk cu nan teminnâk hi a si, 6harnâk an tuartertu hna harnâk lila i lehrulh cu Pathian ruahah a dingmi a si. 7Bawipa Jesuh cu a ṭhawngmi a vanmi hna he van in an langh tikah nannih harnâk tuartermi hna le kan nih hi dinhnâk a kan pêk lai. 8Pathian a hngal lomi le kan Bawipa Jesuh Krih thawngṭha a zum lomi hna cu mei alh he phu a hlam lai. 9Cu misual hna cu Bawipa le a liannganmi a ṭhawnnâk hmaiah zungzal rawhralnâk he hrem an si lai. 10Cu ni, a mithiang vialte thangṭhat awk i a rat tikah, zumtu vialte an khuaruah a har dih lai, zeicatiah nan sin i kan hngalhtermi an zumh caah. 11Cucaah kan Pathian nih a kawhnâk ah tel awk a tlâkmi ah an ruah hna i a ṭhatnâk chungah a lawmhmi thilṭha hna cu ṭhawnnâk le zumhnâk in nan tlinter khawh nâkhnga nan caah thla kan cam tawn. 12Kan Pathian le Bawipa Jesuh Krih zângfahnâk bangin kan Bawipa Jesuh min cu nan lakah thangṭhat in a um lai i nannih zong Amah ah thangṭhat in nan um ve lai.
Currently Selected:
2 THESALON 1: HAKABSI
Highlight
Copy
Compare
Share
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.