Enzũko 35

Yakobo akaya eBetelĩ

1Neryo Nyamuhanga mwabwira Yakobo ati, Hangana, uye eBetelĩ, wĩkaleyo ũhĩmbeyo ahʼeriherera uku Nyamuhanga oyo wakuhulakako omugulu watibita ukasaga Esaũ mugala wenyũ. 2Neryo Yakobo mwabũga nʼabandu bʼekĩtũnga kiwe, nʼabosĩ ababya haguma naye ati, Mũlũsayeho esyonyamuhanga syʼehandi esiri omo katĩkatĩ kenyũ, mũyeraye, muhindule esyongimba syenyũ. 3Neryo tuhongoke twirukire eBetelĩ, neryo nasyahĩmbĩra Nyamuhanga yʼekiherero, oyo wanyĩsũbĩraya oko kiro kyʼobũlĩge bwage, kandi abiribya haguma nage ehosĩ nalaba. 4Neryo mobaha Yakobo yʼesyonyamuhanga syosĩ syʼehandi, esyabya omo byala byabo, nʼesyombũka esyabya omo matwĩ wabo; neryo Yakobo mwayabĩsasyo omo ndĩna yʼomuti wʼomwelo owabya hakũhĩ nʼeSekemũ.

5Neryo mobagenda, nʼobuba bwa Nyamuhanga mobwabya oko mĩyĩ eyabya ĩtĩmbĩre kubo, kutse mobatasyakwamirira abagala ba Yakobo. 6Neryo Yakobo mwasa eLũzĩ omũyĩ owali omo kihugo kyʼeKanana (aho nĩ Betelĩ), iye nʼabandu bosĩ ababya haguma naye. 7Nʼeyo mwahĩmba yʼekiherero, mwalukaho mo El-betelĩ, kusangwa Nyamuhanga amuhulukiraho, omugulu abya akasaga mugala wabo. 8Nĩkwa Debora, omũbegerya wa Rebeka, mwahola, mwatabwa eyĩkwa wʼeBetelĩ omo ndĩna yʼomuti wʼomwelo. Erĩna lyaho molyahulwa mo Alonĩ-bakũtĩ.

Yakobo akabya Ĩsraelĩ

9Neryo Nyamuhanga mwahulukira Yakobo kandi, omugulu asa akalũa ePadanĩ-aramũ, mwamutsumula. 10Neryo Nyamuhanga mwabũga naye ati, Erĩna lyawe ni Yakobo. Erĩna lyawe siryendisyaswahulwa mo Yakobo, nĩkwa erĩna lyawe lyasyabya Ĩsraelĩ. Litya Nyamuhanga mwaluka erĩna liwe mo Ĩsraelĩ. 11Kandi Nyamuhanga mwabũga naye ati, Ĩngye indi Nyamuhanga Omũtokĩ Wʼebyosĩ. Ukanyirire utomekerawe; ekihanda nʼendeko yʼebihanda byasyalũa ukʼuwe, kandi Wasyabya tata wʼabami. 12Ekihugo ekyo naha Abrahamũ na Ĩsaka, nasyahakyo ukʼuwe, nʼoko lubuto lwawe enyũma syawe. 13Neryo Nyamuhanga mwahetuka akalũa aho akanĩraya naye. 14Neryo Yakobo mwasingika endũyĩ yʼaho akanĩraya naye, endũyĩ yabya yʼerĩbwe. Neryo mũta kulyo kʼobuhere bwʼerĩpũlya, kandi mũtũlĩra kulyo kwʼamagũta. 15Kyaleka Yakobo iniahula erĩna lyʼaho Nyamuhanga akanĩraya naye mo Betelĩ.

Erihola lya Rakelĩ

16Neryo mobagenda bakalũa eBetelĩ, neryo babere basonda erĩhĩka hakũhĩ nʼeEfũratĩ, Rakelĩ mwakunda, mwagalwa kutsibu nʼerikunda. 17Enyũma wʼaho, omugulu akunda kutsibu, omũyĩrya mwabũga ati, Sigubahe, kusangwa lino ukandibana ogundi mugala. 18Enyũma wʼaho, omugulu omutima wuwe asonda erĩtwĩka, (kusangwa mwalekula), mwaluka erĩna liwe mo Benonĩ nĩkwa tata wuwe mwamuluka mo Benyamĩna. 19Neryo Rakelĩ mwahola, mwatabwa omo nzira yʼeEfũratĩ (eyu ye Betelehemũ). 20Na Yakobo mwasingika endũyĩ okwʼisinda ya Rakelĩ. Eyo nĩ ndũyĩ yʼokwʼisinda yiwe erĩhĩka na lino.

Abana ba Ĩsraelĩ

21Na Ĩsraelĩ mwaswagenda, mwahanda ehema yiwe eyisirya wʼenyũmba nyiri yʼeEderĩ. 22Enyũma wʼaho, omugulu Ĩsraelĩ abya ĩkere omo kihugo ekyo, Rũbenĩ mwayateta Bĩlĩha, omũhwekĩ wa tata wuwe; na Ĩsraelĩ mowago.

Neryo abagala ba Yakobo babya erĩkũmĩ nʼababiri: 23abagala ba Lea: Rũbenĩ, akambere ka Yakobo, na Sĩmeonĩ, na Lawĩ, na Yũda, na Ĩsakarĩ, na Zebũlũnĩ: 24nʼabagala ba Rakelĩ: Yosefũ na Benyamĩna: 25nʼabagala ba Bĩlĩha, omũbegerya wa Rakelĩ: ye Danĩ na Nafũtalĩ: 26nʼabagala ba Sĩlpa, omũbegerya wa Lea: ye Gadĩ na Aserĩ. Aba bo bagala ba Yakobo, abo abutira ePadanĩ-aramũ.

Erihola lya Ĩsaka

27Nĩkwa Yakobo mwahĩka uku tata wuwe Ĩsaka eMamũrĩ, oko Kĩrĩatĩ-eba (eyo nĩ Hebũronĩ), aho Abrahamũ na Ĩsaka babya bĩkere. 28Ebiro bya Ĩsaka byabya emyaka erĩgana nʼamakũmĩ munani. 29Neryo Ĩsaka mwalekula, mwahola, mweya abalĩkyabo, abya mũsyakulu iniabirikota biro bingi. Neryo Esaũ na Yakobo bagala buwe mobamuta.

Currently Selected:

Enzũko 35: KB80

Highlight

Copy