Popular Bible Verses from Enzũko 35

Share

Kandi Nyamuhanga mwabũga naye ati, Ĩngye indi Nyamuhanga Omũtokĩ Wʼebyosĩ. Ukanyirire utomekerawe; ekihanda nʼendeko yʼebihanda byasyalũa ukʼuwe, kandi Wasyabya tata wʼabami. Ekihugo ekyo naha Abrahamũ na Ĩsaka, nasyahakyo ukʼuwe, nʼoko lubuto lwawe enyũma syawe.

Neryo tuhongoke twirukire eBetelĩ, neryo nasyahĩmbĩra Nyamuhanga yʼekiherero, oyo wanyĩsũbĩraya oko kiro kyʼobũlĩge bwage, kandi abiribya haguma nage ehosĩ nalaba.

Neryo Nyamuhanga mwabũga naye ati, Erĩna lyawe ni Yakobo. Erĩna lyawe siryendisyaswahulwa mo Yakobo, nĩkwa erĩna lyawe lyasyabya Ĩsraelĩ. Litya Nyamuhanga mwaluka erĩna liwe mo Ĩsraelĩ.

Neryo Yakobo mwabũga nʼabandu bʼekĩtũnga kiwe, nʼabosĩ ababya haguma naye ati, Mũlũsayeho esyonyamuhanga syʼehandi esiri omo katĩkatĩ kenyũ, mũyeraye, muhindule esyongimba syenyũ.

Neryo Nyamuhanga mwabwira Yakobo ati, Hangana, uye eBetelĩ, wĩkaleyo ũhĩmbeyo ahʼeriherera uku Nyamuhanga oyo wakuhulakako omugulu watibita ukasaga Esaũ mugala wenyũ.

Enyũma wʼaho, omugulu omutima wuwe asonda erĩtwĩka, (kusangwa mwalekula), mwaluka erĩna liwe mo Benonĩ nĩkwa tata wuwe mwamuluka mo Benyamĩna.