Enzũko 36

Esyondengo sya Esaũ

1Nĩkwa aba ba bana ba Esaũ (ye Edomũ). 2Esaũ mwayĩhĩkĩrya abakalĩ buwe oko bali bʼeKanana: Ada mwali wa Elonĩ Omũhĩtĩ, na Oholĩbama mwali wa Ana, mwitsikulu wa Sĩbeonĩ Omũhĩvĩ; 3na Basematĩ nibya, mwali wa Ĩsmaelĩ, mwali wabo Nebayotĩ. 4Na Ada mwabutira Esaũ yo Elĩfasĩ; na Basematĩ mwabuta Rũelĩ; 5na Oholĩbama mwabuta Yeũsĩ, na Yalama, na Kora: aba ni bagala ba Esaũ, abo abutira omo kihugo kyʼeKanana. 6Na Esaũ mwĩmya abakalĩ buwe, nʼabagala buwe, nʼabandu bosĩ bʼenyũmba yiwe, nʼesyonde siwe, nʼesyonyama siwe syosĩ, nʼobũsokĩ buwe bosĩ, ebyo atunda omo kihugo kyʼeKanana; mwagenda omo kihugo ekiri hali uku mugala wabo ye Yakobo. 7Kusangwa ebindu byabo byabya bingi isibangatoka erĩĩkala haguma. Ekihugo babungiramo mokitatolerabo busana nʼebihangulo byabo. 8Na Esaũ mwĩkala omo kitwa kyʼeSeĩrĩ: Esaũ nĩ Edomũ.

9Aba ba bana ba Esaũ tata wʼAbanya Edomũ oko kitwa kyʼeSeĩrĩ. 10Aya wa mena wʼabagala ba Esaũ: Elĩfasĩ mugala wa Ada muka Esaũ, Rũelĩ mugala wa Basematĩ muka Esaũ. 11Nʼabagala ba Elĩfasĩ babya Temanĩ, Omarĩ, Zefo, na Gatamũ, na Kenasĩ. 12Na Tĩmũna abya mũhwekĩ wa Elĩfasĩ mugala wa Esaũ, neryo mwabutira Elĩfasĩ yo Amalekĩ; aba ba bagala ba Ada, muka Esaũ. 13Nʼaba ba bagala ba Rũelĩ: Nahatĩ, na Zera, Sama, na Mĩza; aba ba bagala ba Basematĩ muka Esaũ. 14Nʼaba ba bagala ba Oholĩbama mwali wa Ana, mwali wa Sĩbeonĩ muka Esaũ; mwabutira Esaũ yo Yeũsĩ, na Yalama, na Kora.

15Aba ba bakama bʼabagala ba Esaũ: abagala ba Elĩfasĩ akambere ka Esaũ; omukama Temanĩ, nʼomukama Omarĩ, omukama Zefo, omukama Kenasĩ, 16omukama Kora, omukama Gatamũ, omukama Amalekĩ; aba ba bakama abo Elĩfasĩ abuta, omo kihugo kyʼeEdomũ; aba ba bagala ba Ada. 17Nʼaba nabo ba bagala ba Rũelĩ, mugala wa Esaũ: omukama Nahatĩ, omukama Zera, omukama Sama, omukama Mĩza; aba ba bakama abo Rũelĩ abuta omo kihugo kyʼeEdomũ; aba ba bagala ba Basematĩ, muka Esaũ. 18Nʼaba ba bagala ba Oholĩbama, muka Esaũ: omukama Yeũsĩ, omukama Yalamũ, omukama Kora; aba ba bakama ababutawa na Oholĩbama, mwali wa Ana, muka Esaũ. 19Aba ba bagala ba Esaũ, nʼaba ba bakama babo; iye nĩ Edomũ.

20Aba ba bagala ba Seĩrĩ Omũhorĩ, esyondũlanĩ syʼekihugo ekyo: Lotanĩ, na Sobalĩ, na Sĩbeonĩ, na Ana, 21na Dĩsonĩ, na Ezerĩ, na Dĩsanĩ, aba ba bakama abalũa oko Bahorĩ, abana ba Seĩrĩ omo kĩhugo kyʼeEdomũ. 22Nʼabana ba Lotanĩ babya: Horĩ na Hemamũ; na mwali wabo Lotanĩ abya Tĩmũna. 23Aba ba bana ba Sobalĩ: Alwanĩ, na Manahatĩ, na Ebalĩ, Sefo, na Onamũ. 24Aba ba bana ba Sĩbeonĩ: Aya na Ana; oyũ ni Ana oyo wabana eyĩsoko yʼamagetsi awahũhĩre omo mbwarara, omugulu abya akalĩsya esyopunda sya Sĩbeonĩ tata wuwe. 25Nʼaba ba bana ba Ana: Dĩsonĩ, na Oholĩbama, mwali wa Ana. 26Aba ba bana ba Dĩsonĩ: Hemũdanĩ, na Esĩbanĩ, Ĩtĩranĩ, na Keranĩ. 27Aba ba bana ba Ezerĩ: Bĩlhanĩ, na Zawanĩ, na Akana. 28Aba ba bana ba Dĩsanĩ: Ũzĩ na Aranĩ. 29Aba ba bakama abalũa oko Bahorĩ: omukama Lotanĩ, omukama Sobalĩ, omukama Sĩbeonĩ, omukama Ana, 30omukama Dĩsanĩ; aba ba bakama abalũa oko Bahorĩ, ngoko babya bakama babo omo kihugo kyʼeSeĩrĩ.

31Nʼaba ba bami abatabala omo kihugo kyʼeEdomũ, isihehatatabala mwami oko bana ba Ĩsraelĩ. 32Na Bela mugala wa Beorĩ mwatabala eEdomũ. Erĩna lyʼomũyĩ wuwe lyabya Dĩnahaba. 33Neryo Bela mwahola, na Yobabũ mugala wa Zera wʼeBosĩra mwatabala omo mwanya wuwe. 34Neryo Yobabũ mwahola, na Hũsamũ owʼekihugo kyʼAbanya Temanĩ mwatabala omo mwanya wuwe. 35Na Hũsamũ mwahola, na Hadadĩ mugala wa Bedadĩ, oyo wĩtĩra Mĩdĩanĩ yʼomwʼirima lya Moabũ, mwatabala aho wuwe. Erĩna lyʼomũyĩ wuwe lyabya Awĩtĩ. 36Neryo Hadadĩ mwahola, na Samũla wa Masĩreka mwatabala omo mwanya wuwe. 37Na Samũla mwahola, na Saũlĩ wʼeRehobotĩ oyuli oko Lũsĩ mwatabala omo mwanya wuwe. 38Na Saũlĩ mwahola, na Balĩ-hananĩ mugala wa Akĩborĩ mwatabala omo mwanya wuwe. 39Na Balĩ-hananĩ mugala wa Akĩborĩ mwahola, na Hadarĩ mwatabala omo mwanya wuwe. Erĩna lyʼomũyĩ wuwe lyabya Paũ. Erĩna lyʼomũkalĩ wuwe lyabya Mehetabalĩ, mwali wa Matĩredĩ, mwali wa Me-zahaba.

40Aya wa mena wʼabakama abalũa uku Esaũ, omo bĩtũnga byabo, nʼewabobo, omo mena wabo: omukama Tĩmũna, omukama Alwa, omukama Yetetĩ, 41omukama Oholĩbama, omukama Ela, omukama Pĩnonĩ, 42omukama Kenasĩ, omukama Temanĩ, omukama Mĩbũsarĩ, 43omukama Magdĩelĩ, omukama Ĩrama. Aba ba bakama bʼeEdomũ, ngoko babya bĩkere omo kihugo kyʼobũsokĩ bwabo. Oyũ nĩ Esaũ, ĩse wʼAbanya Edomũ.

Currently Selected:

Enzũko 36: KB80

Highlight

Copy