Zabbuli 44
44
Ya mukulu w'abayimbi; zabbuli ya batabani ba Koola. Masukiri.
1 #
Kuv 10:2; 13:8,14, Zab 77:5; 78:3 Twawuliranga n'amatu gaffe, ai Katonda, bajjajja baffe baatubuuliranga,
Emirimu gye wakolanga mu nnaku zaabwe, mu nnaku ez'edda.
2 #
Kuv 15:17, Yos 3:10, Zab 80:8 Amawanga wagagobamu n'omukono gwo, n'obasigamu bo;
Wabonyaabonya amawanga, n'ogasaasaanyiza ddala.
3 #
Ma 10:15, Yos 24:12, Kos 1:7 Kubanga tebaalya nsi olw'ekitala kyabwe,
Newakubadde omukono gwabwe si gwe gwabalokola:
Wabula omukono gwo ogwa ddyo n'engalo zo, n'omusana ogw'amaaso go,
Kubanga baalaba ekisa eri ggwe.
4 #
Zab 74:12
Ggwe oli kabaka wange, ai Katonda:
Lagira obulokozi eri Yakobo.
5 #
Zab 60:12, Dan 8:4 Ku bubwo tulisindika abalabe baffe wansi:
Olw'erinnya lyo tulirinnyirira abo abatugolokokerako ffe.
6 #
1 Sam 17:47, Zab 33:16 Kubanga ssiryesiga mutego gwange,
So ekitala kyange si kye kirindokola.
7Naye ggwe watulokola eri abalabe baffe,
Era wabaswaza abatukyawa.
8 #
Zab 34:2
Mu Katonda mwe twenyumiririza obudde okuziba,
Era tuneebazanga erinnya lyo emirembe gyonna. (Seera)
9 #
2 Sam 5:24, Zab 60:1,10; 74:1; 108:11 Naye kaakano otusudde wala, otukwasizza ensonyi;
So totabaala n'eggye lyaffe.
10 #
Leev 26:17, Yos 7:8,12 Otuzza nnyuma eri abalabe:
N'abo abatukyawa beenyagira.
11 #
Ma 4:27; 28:64, 2 Bassek 17:6, Zab 106:27, Ez 20:23, Luk 21:24 Watuwaayo ng'endiga okuba ennyama;
Watusaasaanya mu mawanga.
12 #
Balam 2:14; 3:8, Is 52:3 Abantu bo obatundira bwereere,
So n'omuwendo gwabwe togwongezezza ku bugagga bwo.
13 #
Zab 79:4; 80:6 Otufuula ekivume eri abaliraanwa baffe,
Ekinyoomebwa, ekisekererwa eri abo abatwetoolodde.
14 #
Yer 24:9
Otufuula olugero mu mawanga,
Okunyeenyezebwa kw'omutwe mu bantu.
15Obudde okuziba okunyoomebwa kwange kunjolekedde,
N'ensonyi ez'amaaso gange zinsaanikidde,
16 #
Zab 8:2
Olw'eddoboozi ly'oyo aboggola, avuma;
Olw'omulabe n'olw'oyo awalana eggwanga.
17 #
Dan 9:13
Ebyo byonna bitutuuseeko; naye
tetukwerabidde,
So tetukoze bya bulimba mu ndagaano yo.
18 #
Zab 119:157
Omutima gwaffe teguzze nnyuma,
So ebigere byaffe tebikyamye kuva mu kkubo lyo;
19Ne we watumenyaamenya ennyo mu kifo eky'ebibe,
N'otusaanikiza ekisiikirize eky'okufa.
20Oba nga twerabidde erinnya lya Katonda waffe,
Oba tugolodde emikono gyaffe eri katonda omuggya,
21 #
1 Sam 16:7, Zab 139:1, Yok 2:25, Bar 2:16, Beb 4:13 Ekyo Katonda talikikenneenya?
Kubanga ebyama eby'omu mutima abimanyi.
22 #
Bar 8:36
Era tuttibwa obudde okuziba okulangibwa ggwe;
Tuli ng'endiga ez'okusalibwa.
23 #
Zab 7:6; 44:9 Zuukuka, kiki ekikwebasa, ai Mukama?
Golokoka, totusuulanga wala emirembe gyonna.
24 #
Yob 13:24
Kiki ekikukwesezza amaaso go,
N'ebibonoobono byaffe n'okujoogebwa n'obyerabira?
25 #
Zab 119:25
Kubanga emmeeme yaffe ekutamye mu nfuufu:
Olubuto lwaffe lwegasse n'ettaka.
26 #
Zab 25:22
Golokoka okutuyamba,
Otununule olw'ekisa kyo.
Currently Selected:
Zabbuli 44: LUG68
Highlight
Copy
Compare
Share
Want to have your highlights saved across all your devices? Sign up or sign in
Luganda Bible 1968 Edition © United Bible Societies 1968, and British and Foreign Bible Society, London, England, 1954, 1967, 1972, 1994 and The Bible Society of Uganda, 2013.
