Zabbuli 102
102
Okusaba kw'oyo aliko obuyinike, nga bwagala okumutta, n'afuka okwemulugunya kwe mu maaso ga Mukama.
1 #
Kuv 2:23, Zab 39:12 Wulira okusaba kwange, ai Mukama,
Okukaaba kwange kutuuke gy'oli.
2Tonkisa maaso go ku lunaku olw'okunakuwala kwange:
Otege okutu kwo we ndi;
Ku lunaku lwe nkoowoolerako ompitabe mangu.
3 #
Kung 1:3, Yak 4:14 Kubanga ennaku zange ziggwaawo ng'omukka,
N'amagumba gange gookebwa ng'omumuli.
4 #
2 Sam 12:17, Is 40:7, Yak 1:10,11 Omutima gwange gwokeddwa, guwotose ng'omuddo;
Kubanga neerabira okulya emmere yange.
5 #
Yob 19:20
Olw'eddoboozi eryokusinda kwange
Amagumba gange geegasse n'omubiri gwange.
6 #
Is 34:11, Zef 2:14 Nninga kimbala ow'omu ddungu;
Nfuuse ng'ekiwuugulu eky'omu nsiko.
7Ntunula, era nfuuse
Ng'enkazaluggya etuula ku kitikkiro yokka.
8 #
Bik 26:11
Abalabe bange bazibya obudde okunvuma;
Abandalukidde bandayira.
9 #
Zab 42:3
Kubanga ndidde evvu ng'omugaati,
Era ntabudde kye nnywedde n'amaziga.
10Olw'okunyiiga kwo n'obusungu bwo:
Kubanga wannonda n'onsuula.
11 #
Zab 109:23
Ennaku zange ziri ng'ekisiikirize ekiggwaawo;
Era mpotose ng'omuddo.
12 #
Kuv 3:15, Zab 135:13 Naye ggwe, ai Mukama, onoobeereranga ennaku zonna:
N'ekijjukizo kyo okutuusa emirembe gyonna.
13 #
Is 60:10, Yer 29:10, Zek 1:12 Oligolokoka, olisaasira Sayuuni:
Kubanga obudde butuuse okumusaasira,
Weewaawo, obudde obwalagirwa butuuse.
14 #
Nek 4:2
Kubanga abaddu bo basanyukira amayinja ge,
Era basaasira enfuufu ye.
15 #
1 Bassek 8:43, Zab 138:4, Is 60:3 Bwe gatyo amawanga gonna galitya erinnya lya Mukama,
Ne bakabaka bonna ab'ensi balitya ekitiibwa kyo:
16 #
Zab 147:2, Is 60:1,2 Kubanga Mukama azimbidde ddala Sayuuni,
Alabikidde mu kitiibwa kye;
17Olowoozezza okusaba kw'abo abafiiriddwa,
So tanyoomye kusaba kwabwe.
18 #
Zab 22:31, Is 43:21, Bar 15:4, 1 Kol 10:11 Ekyo kiriwandiikirwa emirembe egirijja:
N'eggwanga eriritondebwa liritendereza Mukama.
19 #
Ma 26:15, Zab 14:2 Kubanga atunuulidde wansi ng'ayima ku watukuvu we awagulumivu;
Mukama yalaba ensi ng'ayima mu ggulu;
20 #
Zab 79:11
Okuwulira okusinda kw'omusibe;
Okusumulula abo abateekerwawo okufa;
21 #
Zab 22:22
Abantu balyoke batenderenga erinnya lya Mukama mu Sayuuni,
N'ettendo lye mu Yerusaalemi;
22 #
Zab 22:27
Amawanga bwe galikuŋŋaana awamu,
N'amatwale, okuweereza Mukama.
23 #
Zab 89:45
Yakendeeza ku maanyi gange mu kkubo;
Yasala ku nnaku zange.
24 #
Yob 36:26, Zab 90:2, Is 38:10 Ne njogera nti Ai Katonda wange, tontwalira ddala ng'ennaku zange tezinnaggwaawo:
Emyaka gyo gibeerera emirembe gyonna.
25 #
Lub 1:1, Yob 38:4-7, Is 42:5 #
Beb 1:10-12
Edda n'edda watandika ensi;
N'eggulu gwe mulimu gw'emikono gyo.
26 #
Is 34:4; 51:6, Mat 24:35, Kub 20:11 Ebyo biriggwaawo, naye ggwe onoobeereranga:
Weewaawo, ebyo byonna birikaddiwa ng'ekyambalo;
Olibiwaanyisa ng'ekyambalo, n'ebyo biriwaanyisibwa:
27 #
Is 41:4, Mal 3:6, Yak 1:17 Naye ggwe oba bumu,
N'emyaka gyo tegirikoma.
28 #
Zab 37:29; 69:36 Abaana b'abaddu bo banaabeerangawo.
N'ezzadde lyabwe linaanywezebwanga mu maaso go.
Currently Selected:
Zabbuli 102: LUG68
Highlight
Copy
Compare
Share
Want to have your highlights saved across all your devices? Sign up or sign in
Luganda Bible 1968 Edition © United Bible Societies 1968, and British and Foreign Bible Society, London, England, 1954, 1967, 1972, 1994 and The Bible Society of Uganda, 2013.
