Tim jo-Lawi 19

Chike mag timbe makare

1Ruoth Nyasaye nowacho ni Musa 2#T.Lawi 11.44, 45; 1 Pet 1.16.ni mondo onyis jo-Israel niya, “Nyaka ubed joma ler, nikech an Ruoth Nyasaye ma Nyasachu aler. 3#Wuok 20.12; R.Chik 5.16; Wuok 20.8; R.Chik 5.12.Ng’ato ka ng’ato kuomu nyaka luor min gi wuon, kendo nyaka rit Sabato maga. An e Ruoth Nyasaye ma Nyasachu. 4#T.Lawi 26.1; Wuok 20.23; 34.17; R.Chik 17.2-5.Kik uluw nyiseche manono, kendo kik uthedh nyiseche mag nyinyo mondo ulam. An e Ruoth Nyasaye ma Nyasachu.

5“Ka uyang’o chiayo mondo utimgo ni Ruoth Nyasaye misango mar sawo, to neguru chiayono kaka chik dwaro mondo Ruoth Nyasaye oyie kodu. 6Nyaka chame mana chieng’ mitimoe misangono, kata kinyne. To ring’o modong’ nyaka chieng’ mar adek, nyaka wang’ e mach. 7Ka ochame chieng’ mar adek, to Ruoth Nyasaye ok noyie kode, nikech ne en gima kuero. 8Ng’ato ang’ata mochame nyaka yud kum kuom kethone, nikech osechayo gima ler mar Ruoth Nyasaye. Ng’atno nong’ad kare oko kuom ogandagi.

9 # T.Lawi 27.15; R.Chik 24.19-22. “Ka ukayo cham e puotheu, to kik uke nyaka giko puotheu, kata kik uhul abang’ tiang’. 10Bende kik upon olembeu mag mzabibu mutiek pep, kata kik ukwany mago molwar piny. Nyaka uwegi ni joma odhier kod jodak. An e Ruoth Nyasaye ma Nyasachu.

11 # Wuok 20.15; R.Chik 5.19; Wuok 20.16; R.Chik 5.20. “Kik ikwel, kata kik iwuond wadu kata kik imaye e yor wuond. 12#Wuok 20.7; R.Chik 5.11; Math 5.33.Kik ikuong’ri gi nyinga kiwuondo ng’ato, nimar kitimo kamano to ichayo nying Ruoth Nyasaye ma Nyasachu. An e Ruoth Nyasaye. 13#R.Chik 24.14, 15.Kik idhir wadu, kata kik imaye gire. Bende nyaka ichul jatich mana e odiechieng’ motiyonieno. 14#R.Chik 27.18.Kik iyany ng’at ma ite odino, kata kik iket gimoro e nyim muofu ma dochwanyre. Luoruru Nyasachu. An e Ruoth Nyasaye.

15 # Wuok 23.6-8; R.Chik 16.19. “Kik iketh bura kuom dok ni jachan, kata kuom luoro ng’ama duong’ to ng’ad ni wadu bura kare kichung’ e adiera. 16Kik iwuoth koni gi koni kiketho nying jou, kata kik ihangne wadu wach kodonjne e buch nek. An e Ruoth Nyasaye. 17#Math 18.15.Kik imak sadha gi wadu, to nyaka inyise kethone wang’ gi wang’; mano eka ok dibed jaketho. 18#Math 5.43; 19.19; 22.39; Mar 12.31; Luka 10.27; Rumi 13.9; Gal 5.14; Jak 2.8.Kik ichul kuor kata kik ibed mamon gi jowadu, to nyaka iher wadu kaka iherori iwuon. An e Ruoth Nyasaye.

19 # R.Chik 22.9-11. “Nyaka urit chikena. Kik uwe jamni mopogore opogore luwre, kendo kik uchwo kothe ariyo mopogore opogore e puotheu. Bende kik urwak lewni molos gi usi ariyo mopogore opogore.

20“Ka ong’iew misumba ma nyako ni ng’at moro mondo okendi, mi ng’ato oterore kode ka pok owar nyakono, kata ka pok omiye thuolo mondo odhi, to nyaka non wachno. To ok noneg nyako kod ng’at moterore kodeno, nikech pod en misumba. 21Ng’at moterore kodeno nyaka kel im e nyim Ruoth Nyasaye e dho Hemb Romo mondo otimgo misango mar golo ketho mar gowi. 22Jadolo notim misango e nyim Ruoth Nyasaye gi imno mondo opwodh ni ng’atno richone, eka nowene richo mosetimono.

23“Ka usedonjo e piny ma abiro miyou, mi upidho yath moro amora ma olembe inyalo cham, to nyaka ukwan olembego ka gima kuero, kendo ok unuchamgi kuom higni adek. 24E higa mar ang’wen olembe duto nobed chiwo maler ni Ruoth Nyasaye, kendo mano nomi gibed gik ma inyalo cham. 25To e higa mar abich unyalo chamo olembego. Kutimo kamano, to ginimed nyak moloyo. An e Ruoth Nyasaye ma Nyasachu.

26 # Chak 9.4; T.Lawi 7.26, 27; 17.10-14; R.Chik 12.16, 23; 15.23; R.Chik 18.10. “Kik ucham ring’o man gi remo. Kik upor wach, kata kik ubed ajuoke. 27#T.Lawi 21.5; R.Chik 14.1.Kik utit wiu kata yie tiku. 28Kik usar dendu kuywago ng’ama otho kata kik usar kido moro kuomu. An e Ruoth Nyasaye.

29 # R.Chik 23.17. “Kik umi nyiu bed jochode, mi lokre ohodho, dipo ka pinyu okethore, mi richo opong’o. 30#T.Lawi 26.2.Nyaka urit Sabato maga, kendo uluor Kama Ler mara. An e Ruoth Nyasaye.

31 # R.Chik 18.11; 1 Sam 28.3; 2 Ruo 23.4; Isa 8.19. “Kik udhi ir jonyakalondo kata kuom ajuoke ma moko, nikech kutimo kamano to udoko mogak. An e Ruoth Nyasaye ma Nyasachu.

32“Nyaka uchung’ ni ng’ama duong’ ma wiye oti lwar, kumiye duong’ kendo uluor Ruoth Nyasaye ma Nyasachu. An e Ruoth Nyasaye.

33 # Wuok 22.21; R.Chik 24.17, 18; 27.19. “Ka japiny moro odak kuomu, to kik uthage. 34Nyaka urite mana kaka wuodu, kendo uhere mana kaka uheroru uwegi, nikech un bende ne un jodak e piny Misri. An e Ruoth Nyasaye ma Nyasachu.

35 # R.Chik 25.13-16; Nge 20.10; Ezek 45.10. “Kik uketh chik kuom gimoro mipimo borne kata mipimo pekne kata mana mipimo ng’eny mare. 36To nyaka ubed gi rapim makare mipimogo gik moko. 37An e Ruoth Nyasaye ma Nyasachu mane ogolou e piny Misri. Nyaka urit chikena kendo uluwgi. An e Ruoth Nyasaye.”

Currently Selected:

Tim jo-Lawi 19: DHO15

Highlight

Copy

Compare