Tim jo-Lawi 20
20
Kum miyudo kuom ketho chik
1Ruoth Nyasaye nowacho ni Musa 2ni mondo onyis jo-Israel niya, “Ka ja-Israel moro amora kata japiny moro modak kuomgi ochiwo nyathine moro ni nyasaye moro manono miluongo ni Molek, to nyaka neg ng’atno. Jo-Israel duto nogoye gi kite, nyaka otho, 3kendo an awuon nabed jasike, mi nang’ad kare oko kuom ogandagi, nikech osechiwo nyathine ni Molek, kodwanyogo Kama Ler mara, kendo kochayo nyinga maler. 4To ka ji otemo fwayo wach ng’at mochiwo nyathine ni Molek, mi ok ginege, 5to an awuon nabed jasik ng’atno, kaachiel gi dhoodgi duto. Anang’ad kargi oko kuom ogandagi, kaachiel gi jogo duto maluwe kendo madwanyore ka lamo Molek.
6“Ka ng’ato oweya, modwanyore gi jonyakalondo kod ajuoke ma moko kaka dhako weyo chwore kendo dwanyore gi chwo mamoko, to nabed jasik ng’atno, kendo nang’ad kare oko kuom ogandagi. 7Kuom mano pwodhreuru ubed maler, nikech an Ruoth Nyasaye ma Nyasachu aler. 8Nyaka urit chikena kendo uluwgi, nimar an e Ruoth Nyasaye mapwodhou.
9 #
Wuok 21.17; Math 15.4; Mar 7.10. “Ka ng’ato oyanyo wuon mare kata min mare, to nyaka nege. Rembe nodong’ e wiye, nikech oseyanyo wuon gi min. 10#Wuok 20.14; T.Lawi 18.20; R.Chik 5.18.Ka ng’at oterore gi chi wadgi, to ng’atno kaachiel gi dhakono nyaka negi. 11#T.Lawi 18.8; R.Chik 22.30; 27.20.Ng’at moterore gi chi wuon, oelo dug wuon mare. Giduto ji ariyogo, nyaka neggi kendo rembgi nodong’ e wigi. 12#T.Lawi 18.15.Ka ng’ato oterore gi chi wuode, to nyaka neggi giduto ji ariyogo, nikech gisetimo gima mono. Rembgi nodong’ e wigi. 13#T.Lawi 18.22.Ka ng’ato onindo gi dichwo wadgi ka ng’ama terore gi dhako, giduto gitimo gima kuero. Nyaka neggi, kendo rembgi nodong’ e wigi. 14#T.Lawi 18.17; R.Chik 27.23.Ka ng’ato okendo nyako moro, kaachiel gi min nyakono to mano richo maduong’. Nyaka wang’gi gi mach giduto, mondo richo maduong makamano kik bed kuomu. 15#Wuok 22.19; T.Lawi 18.23; R.Chik 27.21.Ng’at moterore gi chiayo moro amora nyaka negi. Chiayono bende nyaka negi. 16Ka dhako moro odhi ir chiayo moro mondo oterre kode, to nyaka neg dhakono kaachiel gi chiayono. Noneggi duto, kendo rembgi nodong’ e wigi.
17 #
T.Lawi 18.9; R.Chik 27.22. “Ka ng’ato okawo nyamin mare ma nyar wuon kata ma nyar min, mi giterore, to mano en wichkuot marach. Nyaka neggi ka ji duto neno. Ng’atno oseterore gi nyamin, omiyo nyaka kume. 18#T.Lawi 18.19.Ka ng’ato oriwore gi dhako ka nie due, to okuodo wi dhakono, nikech oseelo kama rembe wuokie; dhako bende oseelo kama rembe wuokie. Giduto nyaka ng’ad kargi oko kuom ogandagi. 19#T.Lawi 18.12-14.Kik iterri gi nyamin meru kata gi wayu, nikech mano en ketho wat. Joma timo kamano nyaka yud kum. 20Ng’at moterore gi chi owadgi wuon mare, okuodo wi wuon mareno, omiyo giniyud kum. Noneggi, kendo nyinggi nolal nono kuom ogandagi. 21#T.Lawi 18.16.Ka ng’ato oterore gi chi owadgi, otimo gima ogak, kendo okuodo wi owadgi. Nyinggi nolal nono kuom ogandagi.
22“Nyaka urit chikena gi buchena duto, kendo uluwgi, mi piny ma akelou mondo udagie kik ng’ogu oko. 23Kik uluw timbe ogendini ma ariembonu mondo owenu thuolo. 24Ne gitimo gik marichogo duto, mi asin kodgi, omiyo nawachonu ni abiro miyou pinygi maber kendo momewno mondo ukaw. An e Ruoth Nyasaye ma Nyasachu mosepogou gi ogendini mamoko, 25omiyo un bende nyaka upog le michamo gi le makuero kod winy michamo gi winy makuero. Kik udok mogak nikech le kata winy, kata gimoro amora mamol, nimar aseketo pogruok e kindu kodgi, ka ahulonu ni gin gik makuero. 26Unubed jogo maler, nikech an Ruoth Nyasaye aler. Asepogou gi ogendini mamoko mondo ubed joga.
27“Ng’ato ang’ata kuomu ma dichwo kata ma dhako ma janyakalondo kata ma ajuoga moro amora nyaka go gi kite mi otho, kendo rembe nodong e wiye owuon.”
Currently Selected:
Tim jo-Lawi 20: DHO15
Highlight
Copy
Compare
Share
Want to have your highlights saved across all your devices? Sign up or sign in
Dholuo DC Bible © Bible Society of Kenya and Bible Society of Tanzania, 1976.
