Tim jo-Lawi 18

Okwer terruok gi timbe ma kamago

1Ruoth Nyasaye nowacho ni Musa 2ni mondo onyis jo-Israel kama: An e Ruoth Nyasaye ma Nyasachu. 3Kik utim timbe jo-Misri, mane udak e pinygi, kata kik utim timbe jo-Kanaan ma aterou e pinygi. Kik ulu chike jogo duto, 4to nyaka urit chikena, kendo uluw yorena. An e Ruoth Nyasaye, 5#Neh 9.29; Ezek 18.9; 20.11-13; Luka 10.28; Rumi 10.5; Gal 3.12.omiyo nyaka urit chikena gi buchena, ma ka ng’ato orito, to yudo ngima. An e Ruoth Nyasaye.

6Kik ng’ato moro kuomu terre gi dhako moro ma watne. An e Ruoth Nyasaye. 7Kik ikuod wi wuoru kuom terruok gi meru. En meru, omiyo kik ikuod wiye. 8#T.Lawi 20.11; R.Chik 22.30; 27.20.Kik iterri gi chi wuoru, nikech kitimo kamano to ikuodo wi wuoru. 9#T.Lawi 20.17; R.Chik 27.22.Kik iterri gi nyameru hie, kata gi nyameru ma ng’at machielo onywolo, bed ni onywole dala kata kamoro machielo. 10Kik iterri gi nyar wuodi kata gi nyar nyari, nikech kitimo kamano to ikuodo wiyi iwuon 11Kik iterri gi nyameru ma ot machielo. En nyameru, omiyo kik ikuod wiye. 12#T.Lawi 20.19, 20.Kik iterri gi wayu, nikech en gi wuoru gin remo achiel, 13kata kik iterri gi nyamin meru, nikech en gi meru bende gin remo achiel. 14Kik iterri gi chi owadgi wuoru, nikech kitimo kamano to ikuodo wi wuoruno. 15#T.Lawi 20.12.Kik iterri gi chi wuodi, nikech kitimo kamano to ikuodo wiye. 16#T.Lawi 20.21.Kik iterri gi chi owadu nikech kitimo kamano to ikuodo wi owaduno. 17#T.Lawi 20.14; R.Chik 27.23.Kik iterri gi dhako moro to nyare bende iterorigo, kata kik ikaw nyar wuod dhakono kata nyar nyar dhakono mondo iterrigo, nimar dipo kiriwori gi rembi iwuon, to mano en richo maduong’. 18Kik ikaw nyamin chiegi mondo obed nyieke, mi iriwri kode ka nyamin pod ngima.

19 # T.Lawi 20.18. Kik iriwri gi dhako ka ni e due. 20#T.Lawi 20.10.Kik iterri gi chi wadu, mi omi idok mogak. 21#T.Lawi 20.1-5.Kik ichiw nyathini moro ni nyasaye manono miluongo ni Molek, nikech kitimoo kamano to ikwedo nying Nyasachu. An e Ruoth Nyasaye. 22#T.Lawi 20.13.Kik inind gi ng’ama dichwo kaka dinind gi ng’ama dhako nikech mano kwero. 23#Wuok 22.19; T.Lawi 20.15, 16; R.Chik 27.21.Kik iterri gi chiayo moro, mi omiyi ibed mogak. Dhako bende kik yie mondo chiayo moro oriwre kode. Mano en gima mono.

24Kik udwanyru kutimo timbe ma kamago nikech timbego ema nomiyo ogendini ma abiro riembo mondo owenu thuologi odoko joma odwanyore. 25Mano e kaka pinyno nodoko mogak, mi ne akume nikech richogo, omiyo nong’ogo joma odakie oko. 26Un to nyaka urit chikena. Onge ng’ato kuomu ma notim timbe makuerogo, bed ni en ja-Israel kata jadak, 27-28nono to pinyno ong’ogou oko kuom dwanye, mana kaka nong’ogo oganda mane okuongonu dakie. Oganda mane okuongonuno notimo timbe makuerogo, mi ne gimiyo pinyno odoko mogak. 29Ng’ato ang’ata motimo achiel kuom timbe makuerogo nong’ad kare oko kuom ogandagi. 30Emomiyo rituru chikna kendo kik uluw timbe makuero mane weg pinyno otimo ka pok ubiro. Kamano ok nudok mogak. An e Ruoth Nyasaye ma Nyasachu.

Currently Selected:

Tim jo-Lawi 18: DHO15

Highlight

Copy

Compare