Baruk 5
5
1In Jerusalem, lony lewni mag ywak kod kuyo,
mondo irwak lewni mabeyo mag duong’ maler mar Nyasaye nyaka chieng’.
2Gawri gi dimbruok ma Nyasaye omiyi, mana kaka ng’ato gawore gi law abola,
kendo duong’ mar Nyasaye Nyakalaga
ema mondo obed osimbo misidho e wiyi,
3nikech Nyasaye dwaro mondo ogendini duto manie piny one duong’ ma in-go.
4Kendo nying ma Nyasaye biro chaki en, “Kue-ma-dimbruok-kelo”,
kendo ni, “Duong’-ma-luoro-Nyasaye-kelo.”
5In Jerusalem, a malo ichung’ kama oting’ore,
mondo ing’i yo wuokchieng’, ine nyithindi kaduogo
koa yo wuokchieng’ gi yo podho chieng’
nikech Nyasaye maler ema osegolo chik mondo giduogi.
Gimor ahinya, nikech Nyasaye oseparogi.
6Kata obedo ni ne giweyi ka giwuotho gi tiendegi ka wasikgi sembogi,
to koro Nyasaye oduogogi gi duong’, koting’gi ka ruodhi!
7Nyasaye osechano mondo gode maboyo duto opie, kendo honi opong’,
mondo piny obed motarore,
mondo jo-Israel owuoth maonge chwanyruok,
ka duong’ maler mar Nyasaye oritogi.
8Nyasaye biro chiko bunge gi yien duto mang’ue mamit mondo okel ni jo-Israel tipo,
9nimar Nyasaye nomi jo-Israel mor,
komenyonigi yo gi ler mar duong’ne,
kendo kokowogi gi ng’wono kod adierane.
Barup Jeremia
Ma e barua mane Jeremia ooro ni jo-Israel mane ruodh Babulon oikore daro mondo oter Babulon, konyisogigo weche mane Nyasaye omiye.
Currently Selected:
Baruk 5: DHO15
Highlight
Copy
Compare
Share
Want to have your highlights saved across all your devices? Sign up or sign in
Dholuo DC Bible © Bible Society of Kenya and Bible Society of Tanzania, 1976.