Salmos 142
142
Jaha mé tsaáxini
Salmo kuènté David
1Itsen tꞌéya̱hani, jaha Itꞌéni Díos.
Chrónòani Itꞌéni Díos kixin
jaha chrókui̱konoéheni.
2Jeheni tꞌayani la ko tjanchiani ijie̱
la ko chrónkani kixin tꞌáváni, tóxakoheni.
3Ti ó imá tꞌává a̱séni
la jaha la noha nkexrín xritjakꞌeni.
Ti nti̱a sátsjini la kjua̱kꞌe̱ma̱ sin nkehe chrótséxin sin ti jeheni.
4Ndá tsjeheni nó ti itjani chjina
la kohya nkexro tsjinki̱tsa ti jeheni.
Chóntahyani nketí tsaáxini;
kohya nkexro tóxakohen ti nkehe chrókóheni.
5Tꞌéyahani jaha, Itꞌéni Díos,
kixin jahuá mé tsaáxini.
Jahuá mé xraxinkaoni ti na̱xa̱ itjeni ntihi chjasintajni.
6Tihín ti nkehe tjanchiani
kixin imá tóxakoheni.
Tjínki̱tsa kixin kohya nkehe tso̱heni
kixin ti chojni nínkakohen ti jeheni chréhe̱
la a̱ntsí tse̱he̱ sin ke jeheni.
7Takítsjexiani ti tjechjinani
kixin jína tsjajoni kjuasáya.
Ndá xi̱kaha ti chojni jína la tsa̱ntatjen ti itjeni
kixin tso̱chéhe̱ sin
kixin jaha la imá jína kjuínki̱tsa ti jeheni.
Currently Selected:
Salmos 142: poeNTplus
Highlight
Share
Compare
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
