Salmos 141
141
Jeheni mé komá ti jaha Itꞌéni Díos
Salmo kuènté David
1Jaha Itꞌéni Díos, tꞌéyahani, tjoka xrákiá
la tihín ti nkehe chrónòani.
2 #
Ap. 5:8. *Ti kjuasáya tjáhani chrókjuíji ti itjen jaha
éxi chi̱nko̱ xraxé náxrjón,
la ko ti itjani tjokani noi tjajoni kjuasáya;
mé éxi ijnko nkehe náxrjón chrókꞌuayehé ti nkojnko tso̱jín.
3Jaha Itꞌéni Díos, chrókꞌuayakohén ti irꞌuani
kixin chji̱ñéhña chrónixjani
4Jaha chrókui̱toéhya kixin tsjenka̱yáxini ti nkehe jínahña,
la ko chrókui̱toéhya chrókjuíchꞌeni ti nkehe jínahña;
chrókui̱toéhya kixin chrókjuini ti kia
tjasin ti sin ixri ti nti̱a nduáhya.
5Ti chojni jína la tjenduéhe ti jeheni,
la tíhi mé ijnko nkehe jína kjuíchꞌe sin,
tíhi la éxi ijnko aceite kui̱ki̱te sin ikjani
kixin kjuenduéhe sin ti jeheni.
A̱ndá jeheni la nkochríxín tjancheheni Díos,
kixin sinchekjasóte chꞌan ti sin ichꞌe nkehe jínahña.
6Ti sin tꞌe̱to̱an kuènté ti sin nduáhya ichꞌe la
tsꞌánótje̱xi̱n sin ijnko itjo̱ imá noi,
landá tsoxraxinkaon sin kixin ti itan chrónkani la chaxín ndoá.
7A̱ndá ti huéso̱e sin tsoxika hasta chrínta ti tòye̱
éxi inche tsíkóntá xi̱kaha tso̱hen ti huéso̱e sin.
8Itꞌéni Díos, mé kománi ti jaha
kixin tinkáchónkini ti jaha,
la xritjeyáni ti jaha kixin chrókjui̱nchekaá ti a̱séni;
méxra̱ ti̱toéhya kixin tsꞌóñá sin ti jeheni.
9Chrókjuínki̱tsani
kixin ti nkehe jínahña kjuasin sin chrókꞌuitsínkaxíni;
chrókjui̱nchekaáni
kixin ti nkehe kjuasin ti sin nduáhya ixri chrókꞌuitjáñaxíni.
10Ti sin nduáhya ixri la ti trampa kjuasin sin
chrókꞌuitsínkayá sin la chrókꞌuitjáñaxín sin;
a̱ndá jeheni la kjónté chrókꞌuatsínkani ndoí ntiha
la jaha chrókjuinki̱tsa kixin kohya nkehe chrókóheni.
Currently Selected:
Salmos 141: poeNTplus
Highlight
Share
Compare
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
