Salmos 143
143
Jahuá mé tinkáchónkini
Salmo kuènté David
1Itꞌéni Díos, tihín ti nkehe chrónòani.
Tihín ti nkehe tjanchiani.
Tjáte̱hé ti nkehe chrónòani
kixin jaha la ijnko nkexro imá jína
la ko nchexiteyá kaín nkehe ndoá.
2 #
Ro. 3:20; Gá. 2:16. *Jaha chrókjuanchéhya ijie̱ ti nkexro tꞌaha ixra̱
kixin jaha la ó noha kixin kohya ninkexró chaxín jína ntihi chjasintajni.
3A̱ndá ti sin nínkaon la chréhe̱ sin,
itsé sin la kjuáka sin nonte ti jeheni.
Kꞌue̱to̱an sin kixin kja̱xini sáchrokjuini ti nti̱a sítie
kixin chrókóyóhe̱ni éxi ti sin tsíkꞌen.
4A̱ndá a̱séni mé imá kꞌuává
la ko í tsjachahya tjenka̱yáxini.
5Xraxinkaoni ti kjuaxroan tsíkji̱chꞌe ósé
la ko tjenka̱yáxini kaín ti ixra̱ tsíkji̱chꞌe.
Xraxinkaoni ti ixra̱ tsíkji̱chꞌexián itjá.
6Jeheni tjéndoáni itjani ti itjén jaha
kixin a̱séni tjinkaon ti jaha,
éxi ijnko nonte xámá tjinkaon nchónhña ìnta̱
mé xi̱kaha ti a̱séni tjinkaon ti jaha.
7Tjoka tjáte̱hé, jaha Itꞌéni Díos,
kixin éxi ó tsꞌaxrje a̱séni xi̱kaha.
Tjakémèhyani ti ikuan
kixin chrókꞌónahñani
éxi ijnko chojni tsíkꞌen sátsjixravá.
8Ti nchítjen la chrókjuinchenoheni kixin tjue̱heni,
kixin tinkáchónkini ti jaha.
Tjàkua nkexéhe ti nti̱a chrókuákjani
kixin chaxín chrónòahani.
9Itꞌéni Díos, nchekaá ti jeheni
kixin siín chojni nínkaon sin
kixin jeheni tjeyáni ti jaha kixin sinchekaáni.
10Tjàkua kixin tsjakꞌeni éxi tóxrínhan
kixin jaha mé Díos kuènténi.
Ti ncha̱kuán mé chrókjuako ti nti̱a jína a.
11Kixin ti kjuachaxíen ihni̱á, Itꞌéni Díos, mé tjechónxini
kixin jaha la jína la tsakítsjexiáni ti tꞌává a̱séni.
12Jaha la imá ti̱konoéhéni,
méxra̱ nchekꞌitjáña ti sin nínkaon.
Nchekꞌitjáña kaín ti sin nínkakohen ti jeheni
kixin jeheni la ijnko nkexro tꞌaha ixra̱.
Currently Selected:
Salmos 143: poeNTplus
Highlight
Share
Compare
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
