Popular Bible Verses from Salmos 142

Share

Tꞌéyahani jaha, Itꞌéni Díos, kixin jahuá mé tsaáxini. Jahuá mé xraxinkaoni ti na̱xa̱ itjeni ntihi chjasintajni.

Takítsjexiani ti tjechjinani kixin jína tsjajoni kjuasáya. Ndá xi̱kaha ti chojni jína la tsa̱ntatjen ti itjeni kixin tso̱chéhe̱ sin kixin jaha la imá jína kjuínki̱tsa ti jeheni.

Ti ó imá tꞌává a̱séni la jaha la noha nkexrín xritjakꞌeni. Ti nti̱a sátsjini la kjua̱kꞌe̱ma̱ sin nkehe chrótséxin sin ti jeheni.

Itsen tꞌéya̱hani, jaha Itꞌéni Díos. Chrónòani Itꞌéni Díos kixin jaha chrókui̱konoéheni.

Tihín ti nkehe tjanchiani kixin imá tóxakoheni. Tjínki̱tsa kixin kohya nkehe tso̱heni kixin ti chojni nínkakohen ti jeheni chréhe̱ la a̱ntsí tse̱he̱ sin ke jeheni.