Yasa‘iyáh 64
64
1Kásh ki tú ásmán ko pháṛe aur utar áe, ki tere huzúr meṉ paháṛ larzish kháeṉ; 2jis tarah ág súkhí ḍáliyoṉ ko jalátí hai, aur pání ág se josh mártá hai: táki terá nám tere muḳhálifoṉ meṉ mashhúr ho, aur qaumeṉ tere huzúr meṉ larzán hoṉ! 3Jis waqt tú ne muhíb kám kiye, jin ke ham muntazir na the, tú utar áyá, aur paháṛ tere huzúr káṉp gaye. 4Kyúṉki ibtidá hí se na kisí ne suná, na kisí ke kán tak pahuṉchá, aur na áṉkhoṉ ne tere siwá aise Ḳhudá ko dekhá, jo apne intizár karnewále ke liye kuchh kar dikháe. 5Tú us se miltá hai jo ḳhushí se sadáqat ke kám kartá hai, aur un se jo terí ráhoṉ meṉ tujhe yád rakhte haiṉ: dekh, tú g̣azabnák húá, kyúṉki ham ne gunáh kiyá; aur muddat tak usí meṉ rahe, kyá ham naját páeṉge? 6Aur ham to sab ke sab aise haiṉ, jaise nápák chíz, aur hamárí tamám rástbází nápák libás kí mánind hai: aur ham sab patte kí tarah kumlá játe haiṉ; aur hamárí badkirdárí áṉdhí kí mánind ham ko uṛá le játí hai. 7Aur koí nahíṉ jo terá nám le, jo apne áp ko ámáda kare, ki tujh se lipṭá rahe: kyúṉki hamárí badkirdárí ke sabab se tú ham se rúposh húá, aur ham ko pighlá ḍálá. 8Taubhí, ai Ḳhudáwand, tú hamárá báp hai; ham miṭṭí haiṉ, aur tú hamárá kumhár hai; aur ham sab ke sab terí dastkárí haiṉ. 9Ai Ḳhudáwand, g̣azabnák na ho; aur badkirdárí ko hamesha tak yád na rakh; dekh, ham terí minnat karte haiṉ; ham sab tere log haiṉ. 10Tere pák shahr biyábán ban gaye, Siyyún sunsán aur Yarúshalem wírán hai. 11Hamárá ḳhushnumá maqdis jis meṉ hamáre bápdádá terí sitáish karte the, ág se jaláyá gayá; aur hamárí nafís chízeṉ barbád ho gayíṉ. 12Ai Ḳhudáwand, kyá tú is par bhí apne áp ko rokegá? kyá tú ḳhámosh rahegá, aur ham ko yúṉ badhál karegá?
Currently Selected:
Yasa‘iyáh 64: URDR55
Highlight
Copy
Compare
Share
Want to have your highlights saved across all your devices? Sign up or sign in
British and Foreign Bible Society 1955, 2016
Learn More About Kitáb i Muqaddas 1955 (Tauret, Zabúr, Ambiyá ke Sahífa, aur Injíl)
