Popular Bible Verses from Yasa‘iyáh 64

Share

Kyúṉki ibtidá hí se na kisí ne suná, na kisí ke kán tak pahuṉchá, aur na áṉkhoṉ ne tere siwá aise Ḳhudá ko dekhá, jo apne intizár karnewále ke liye kuchh kar dikháe.

Taubhí, ai ḲHUDáWAND, tú hamárá báp hai; ham miṭṭí haiṉ, aur tú hamárá kumhár hai; aur ham sab ke sab terí dastkárí haiṉ.

Aur ham to sab ke sab aise haiṉ, jaise nápák chíz, aur hamárí tamám rástbází nápák libás kí mánind hai: aur ham sab patte kí tarah kumlá játe haiṉ; aur hamárí badkirdárí áṉdhí kí mánind ham ko uṛá le játí hai.