Ba-Loma 12
12
1ND’EWELA eko, mbond’inyo, balongo, la tosei ta Nzakomba, wae lolekya baonge’akinyo mbeka iyoike, ibuzama nd’oeko, isimam’olotsi ele Nzakomba, iko ile wae imemya ikinyo y’olimo. 2Talokimanake L’elenge ea ekek’ene l’esesenge, lolo lofaningwa la njeema lenkina ea nkai ikinyo, wae lokotole wango wa Nzakomba w’olotsi, ko bosimama bolotsi, ko boonga.
3El’emi nkela, nd’ewela ea boya bokaem’el’emi, wae wengi’onto ol’ek’inyo afolekola osangy’ende mongo nda lokai, l’elenge efeji l’ende; lolo kel’ende akanele lokai londeji, l’eleng’eki Nzakomba oelezaka wengi’onto jeza j’imeezo. 4Eleng’el’iso tole la bilama biuke nda jonge limoko, ko bilama biuma bifa la bosala eleng’emoko: 5o ngoko iso bauke tole jonge limoko ele Masiya, ko is’auma toamana nda jonge liko, ko wengi’onto al’elama. 6Koko tole la nganji icikwana eleng’ele boya bokaemaki el’iso, nkina lotelo, kel’iso totele lotelo, eleng’ele jeza j’imeezo: 7nkina ekambelo e’olemo, kel’iso tokambe; ko ende olaka, kel’ende alake lilako; 8nkin’omo okam’anto nda lilako, kel’ende akame nda lilako liko; ende okaya nganji, kel’ende akaya l’oya: ondilami nda mpifo, kel’ende asale bosala wa mpifo eko la loncinji; ondok’isei, kel’ende oke isei l’osalangano. 9Kela eefe endok’iny’anto esambe bokakatano. Linaka bobe la jino, lokatemela bolotsi. 10Lokan’eefe nda lolango j’alongo; lofonga lofikana lifiki; 11talokambak’olemo la mponye; loyalema la mposa nd’olimo; losalela Nkolo; 12losalangana nda lolendezo; talolembwake nd’onyoko; loondaka wengi’aefa o mbaonda; 13lokambya ba-boeko ba Masiya nda wela bondel’iyo; loyaaka banto boya. 14Losakel’iyo banyokol’inyo bokako wa swa, ko talotambwelake. 15Losalangana na l’iy’asalangana; lolela l’iy’alela lilelo. 16Loyalema la lokai lomoko ndats’inyo mongo. Talotombake nkai ikinyo nd’aoyi bandekola, lolo loamana l’iy’asamba lokumo. Talosimak’inyo mongo banto ba wanya. 17Talumanyake bonto bobe la bobe. Lofonga lokela baoyi bandeji la lifiki nd’aiso b’ant’auma. 18Ng’inyo mongo lokuseya, lokend’oseka l’ant’auma. 19Iny’alangema, inyo mongo talosombolake nkele, lolo locikela nkele ea Nzakomba mboka; ele joi jokotama, Nsombola ea nkele ele nk’ekami: Yawe akela, Emi mongo njifosombola nkele. 20Lolo nkina wini’oke oka nzala, w’oka toma: nkin’oka mposa e’asi, w’omez’asi: ae w’okela ngoko, wifafya baala ba tsa nd’otsa’okande. 21Talumbamake la bobe; lolo lumb’obe la bolotsi.
Currently Selected:
Ba-Loma 12: NTMN58
Highlight
Copy
Compare
Share
Want to have your highlights saved across all your devices? Sign up or sign in
Bonkanda Wa Nzakomba W’aeyoko © Aliiance Biblique de la RD Congo, 1958.
