Ba-Loma 13
13
1KELA wengi’onto afike bamongo mpifo ya mpamba: nko mpifo el’eko, imola nko lim’ele Nzakomba; ko bamongo mpifo baolilama nda mpifo la Nzakomba. 2Nd’ewela eko, os’osuka mpifo, asuka bosise wa Nzakomba: koko iy’asuka bifamba el’iyo mongo umbelo ea likambo. 3Ele ba-mpifo bafa la booma el’anto bakamba belemo bi’olotsi, lolo el’anto bakamba belemo bi’obe. Olanga nde ofoke bomongo mpifo booma? Kelaka baoyi b’olotsi, ko w’ifosimama l’ende: 4el’ende ale bosali owa Nzakomba ele we nd’ewela ea bolotsi. Lolo wenaka okel’aoyi b’obe, w’oka booma; el’ende afokit’ifaka nko ncina: el’ende ale bosali owa Nzakomba, bosomboli owa nkele ele bokeli ow’obe. 5Nd’ewela eko, eji wae lofike ba-mpifo la lifiki, afa nd’ewela ea nkele kika, lolo nd’ewela ea juge e’otema o ngoko. 6Koko nd’ewela eko, lofuta mpuci, el’iyo bale basali ba bosala wa Nzakomba, ko bayosale bosal’oko wengi’aefa. 7Lokaya bant’auma bako bandeji l’iyo: mpuci ele bamongo mpuci; mpoji ele bamongo mpoji; booma ele bamongo booma; lifiki ele bamongo lifiki.
8Taloyalemake l’ombale w’onto, imola nko bone wae lokan’eefe: el’ende ondoka bant’ankina eefe aofonga bisekyelo. 9Ele bisekyelo biokela, Tokelake jibi, Toomake bonto, Tawiyake, Tawokake mposa ileki, ko nkina em’esekyelo el’eko, biko biuma biosangana nda joi line, wae, W’ok’onto osingitana la we eefe elenge endoka we we mongo eefe. 10Eefe ea lolango ntakeelaka osingitana l’ende bobe: nd’ewela eko, eefe ea lolango ele ekokyelo ea bisekyelo.
11Koko lokelaka ngoko, el’inyo lea eleko, wae aeyoko ekeke eokita wae loetswa lim’ais’ilo: lim’ak’is’oimezaka nd’iango, loiko lokiso loleki lotutama aeyoko. 12Botso botutama locindeza, mbile eotutama lokya: nd’ewela eko, kel’iso timole beketo bia wilima, ko tosatele bifeko bia etumba bia fole. 13Kel’iso tokende l’elenge ea momo, nga la mbile: afa la jenge la ndalangwa e’asanga, afa la baoyi ba linsamba la mposa ifosukame, afa la lisa l’inkunya. 14Lolo lolote Nkolo Yesu Masiya, ko talokanelake jonge wete lokele mposa ya liko.
Currently Selected:
Ba-Loma 13: NTMN58
Highlight
Copy
Compare
Share
Want to have your highlights saved across all your devices? Sign up or sign in
Bonkanda Wa Nzakomba W’aeyoko © Aliiance Biblique de la RD Congo, 1958.
