Popular Bible Verses from Ba-Loma 12

Share

Talokimanake L’elenge ea ekek’ene l’esesenge, lolo lofaningwa la njeema lenkina ea nkai ikinyo, wae lokotole wango wa Nzakomba w’olotsi, ko bosimama bolotsi, ko boonga.

ND’EWELA eko, mbond’inyo, balongo, la tosei ta Nzakomba, wae lolekya baonge’akinyo mbeka iyoike, ibuzama nd’oeko, isimam’olotsi ele Nzakomba, iko ile wae imemya ikinyo y’olimo.

losalangana nda lolendezo; talolembwake nd’onyoko; loondaka wengi’aefa o mbaonda

Talumbamake la bobe; lolo lumb’obe la bolotsi.

Lokan’eefe nda lolango j’alongo; lofonga lofikana lifiki

Kela eefe endok’iny’anto esambe bokakatano. Linaka bobe la jino, lokatemela bolotsi.

Ng’inyo mongo lokuseya, lokend’oseka l’ant’auma.

Iny’alangema, inyo mongo talosombolake nkele, lolo locikela nkele ea Nzakomba mboka; ele joi jokotama, Nsombola ea nkele ele nk’ekami: Yawe akela, Emi mongo njifosombola nkele.

talokambak’olemo la mponye; loyalema la mposa nd’olimo; losalela Nkolo

El’emi nkela, nd’ewela ea boya bokaem’el’emi, wae wengi’onto ol’ek’inyo afolekola osangy’ende mongo nda lokai, l’elenge efeji l’ende; lolo kel’ende akanele lokai londeji, l’eleng’eki Nzakomba oelezaka wengi’onto jeza j’imeezo.

Talumanyake bonto bobe la bobe. Lofonga lokela baoyi bandeji la lifiki nd’aiso b’ant’auma.

Loyalema la lokai lomoko ndats’inyo mongo. Talotombake nkai ikinyo nd’aoyi bandekola, lolo loamana l’iy’asamba lokumo. Talosimak’inyo mongo banto ba wanya.

Lolo nkina wini’oke oka nzala, w’oka toma: nkin’oka mposa e’asi, w’omez’asi: ae w’okela ngoko, wifafya baala ba tsa nd’otsa’okande.

Losakel’iyo banyokol’inyo bokako wa swa, ko talotambwelake. Losalangana na l’iy’asalangana; lolela l’iy’alela lilelo.

lokambya ba-boeko ba Masiya nda wela bondel’iyo; loyaaka banto boya.

Eleng’el’iso tole la bilama biuke nda jonge limoko, ko bilama biuma bifa la bosala eleng’emoko: o ngoko iso bauke tole jonge limoko ele Masiya, ko is’auma toamana nda jonge liko, ko wengi’onto al’elama.