Ba-Loma 11
11
1KOKO nkela nde, La Nzakomba atandolaki banto’akande? O nye. El’emi nde owa Yisalaele, owa booci wa Abalayama, owa boloi wa Benyamini. 2Nzakomba ntatandolaki banto’akae baki’nd’oeaka nda joso. Kamb’inyo lofea joi liki ekotelo ea Nzakomba okelaka nd’eloko ea Eliya? eleng’eki’nd’oondaka Nzakomba wae okele Ba-Yisalaele nkele, akela, 3Yawe, baooma bateli bakawe, ko baolumba nkinda ikawe ya mbeka la nduola: ko nciki nk’emi kika, ko banjasa wae bambome. 4Lolo Nzakomba oambaki ngamo? Emi mongo nciki la baende nkoto nsambo batakusaka baongo ele Bala. 5Eleng’eko nd’ekek’ene, ncika el’eko eleng’ele esonelo ea boya. 6Lolo nkin’esonelo ele l’oya, efa lenkina ea belemo bia nkakamba; ng’afa ngoko, siki boya bofa lenkina boya. 7Limo na? Joi liki Ba-Yisalaele oasaka, ntabaata: lolo basonami baataki, ko bankina baocilingana l’ocilingano: 8eleng’ele joi jokotama, Nzakomba aolakaya bolimo w’ais’ilo, baiso wae bafaena, ko l’atoi wae bafaoka o la mbil’ene. 9Koko Dawidi akela,
Kela mesa ekiyo eyale jusu l’ilonga,
Ko l’ekunumwelo, ko la nsombo ea nkele el’iyo;
10Kela baiso’akiyo binde wae bafaena,
Ko sunya bekongo bekiyo wengi’aefa.
11Nd’ewela eko, nkela, bakunumwelaki wae bakwe? O nye; lolo loiko loy’ele Bafaya la boseketano bokiyo wae aoky’iyo jua. 12Lolo, ayaka boseketano bokiyo bolieza benanga beuma bomengo, ko ekwelo ekiyo eolieza Bafaya bomengo; bofula bokiyo bofaolekola loiez’ako bomengo nde?
13Lolo ntefela l’inyo Bafaya. El’emi nde ekima ele Bafaya, ko nkumya mpifo e’ekambelo ekami; 14njifoatela iy’ale nd’ooci’okami jua, wae mbiky’amo’akiyo. 15Nd’ewela wae nkina ntando eki’nd’atandolak’iyo ele eamanyelo ea benanga beuma nd’oseka: ambelo e iy’oambem’olo, efaoyalema loiko lim’ele bawei? 16Ko nkin’etei ea joso ea boonda ele boeko, boonda bouma bole boeko ngoko: ko nkina wili bole boeko, bitafi bile boeko ngoko. 17Lolo nkina bitafi bimo bitenyaki, ko we etafi e’olaya w’okonda olilama nd’etei ea biko o ntongana, ko oy’oamba we l’iyo lima wili ko la lim’auta ba botamba w’olaya; 18tokumyake we mongo ele bitafi; lolo nga w’okumya we mongo, we ofokici wili, Wili bokokici we. 19Nkako wifonkela, Bitafi bitenyaki wae ndilam’eko ntongana. 20Onde; biko bitenyaki nd’ewela ea bosamba w’imeezo bokiyo, ko we wemi l’imeezo eke. Tokumyake we mongo l’eloloko, lolo ok’ooma; 21ayaka Nzakomba ntaikyaki bitafi mongo bi’otamba, afaokoikya we. 22Bala liota la nkele ea Nzakomba: el’iy’akweki, nkele; lolo ele we, liota ja Nzakomba, nga oyalema nda liota likande: afa ngoko, we wifotenya. 23Koko l’iyo, nga bafoyaleme nd’osamba w’imeezo bokiyo, bifilama ntongana, ele Nzakomba aolaileya lenkina ntongana. 24Nga we otenyaki lim’otamba w’olaya w’okonda, ko olilama ntongana nd’otamba w’olaya w’olotsi elenge eteanaka: bane bale bitafi mongo bafolekola loilama ntongana nd’otamba w’olaya bokiyo mongo?
25Ko emi mpange, balongo, wae lofea joi line ja wisisa, nyango lofatang’inyo mongo wanya nda nkai ikinyo, ko joi liko wae bocilingano bomo bokwelaki Ba-Yisalaele, elaka nk’ekeke ea bofula wa Bafaya eoliela: 26ko eleng’eko Ba-Yisalaele bauma bifoika: eleng’ele joi jokotama,
Bosikoli ifoya lima Ziona;
Ende ifimola baoyi bafeji la Nzakomba lim’ele Yakoba:
27Bone wae bokolo’okami bo em’olemba l’iyo,
A em’oimola baoyi’obe’akiyo.
28Nda ncina ea bosako w’olotsi, iyo bale baini nd’eloko ekinyo: lolo nda ncina ea esonelo, iyo baolangema nd’eloko ea baise. 29Ele Nzakomba afoke lokeseli nd’ewela ea nganji ko l’etelo ekande. 30Ngok’inyo otendolaka Nzakomba nd’ekek’eki joso, lolo aeyoko isei iolokan’el’inyo nd’ewela ea botendo bokiyo, 31eleng’eko bane batendola aeyoko, wete isei iolokan’el’iyo nd’ewela ea isei indokan’el’inyo. 32Ele Nzakomba aokomba bant’auma nda lokombo ja botendo, wae aoke bant’auma isei.
33O njindo ea bomengo wa wanya la njea ea Nzakomba! bitenelo bikae bi’akambo ntabeanaka, ko mboka ikande ntilondamaka! 34Ondeaki lokai ja Nkolo na? ko oki wangeli’okae na? 35ko okaak’ende nda joso, ko ifoata ndako el’ende lenkina na? 36Ele belemo beuma bele lim’el’ende, ko la nd’ewela ekande, ko nk’el’ende. Imemya el’ende bikeke biuma. O ngoko.
Currently Selected:
Ba-Loma 11: NTMN58
Highlight
Copy
Compare
Share
Want to have your highlights saved across all your devices? Sign up or sign in
Bonkanda Wa Nzakomba W’aeyoko © Aliiance Biblique de la RD Congo, 1958.
