Gianyuta 9

1Di malaika me kany oko kuto agwara mere, di ako neno acer kame oudo opoto ki malo, di oko mine sumilito me dog bur atut wiriwir. 2#Ageini 19.28Acer nono oko yabo dog bur atut wiriwir nono, di yiro kame cal bala yiro kame wok kiye epipa adwong me calaro mwola oko duny kiye, kame oko umo wang ceng kede malo dedede. 3#Yai 10.12-15Di obonyo oko wok ki yiro nono bino i lobo, di oko mino gi twer acal bala me ekiliton. 4#Esekeri 9.4Oudo koyamo ne gi be kur kidudubo lum me lobo arabo gikame tui amoto yen, do kenekene kimi jo kalikame tie kede alama ka Rubanga i tur nyim gi lito. 5Oudo likame koyei ne gi neko jo, do oudo koyei ne gi mino gi lito pi dwete kany. Lito kame kimio jo oudo cal bala lito kame ekiliton mio kame ekao dano. 6#Yobu 3.21; Yeremia 8.3I kare nono jo bino mono to, do likame kibino ude; kibino mito be koto kitoi, do to bino ringo tenge kibut gi.

7 # Yoweri 2.4 Obonyo nogo oudo cal bala asigiran kame kotieko iiko pi ot yi. Gikame cal bala ocoro me angosibib kame otimo kede saabu oudo tie i wi gi, kede nyim gi oudo cal bala nyim jo. 8#Yoweri 1.6Yer me wi gi oudo cal bala yer me wi mon, kede lak gi oudo cal bala lak engu. 9#Yoweri 2.5Abokoya me kom gi oudo cal bala ebuku me nyonyo kame jo ngapo i kor gi, kede mor me bwom gi oudo winyere bala mor me cabalan atot me yi, kame asigiran tie wano ringo kede i yi. 10Oudo gin kitie kede yib gi kame lak gi me kakao jo tie iye bala ekiliton. Twer gi me kakao jo pi dwete kany oudo tie i yib gi. 11Malaika kame lo bur atut wiriwir en kame oudo obedo abaka gi. Nyinge i leb Eburania en Abadon, do i leb Gurik kolwonge be Apoliyon.

12Can me agege otieko kato, do nenunu, can are pwodi odong tie bino.

13 # Yai 30.1-3 Di malaika me kanyape oko kuto agwara mere, di ako winyo dwan moro wok ki isondana ongwon kame cal bala tung le, isondana me alutari kame kotimo kede saabu, alutari kame tie i nyim Rubanga. 14Dwan nono oudo waco ne malaika me kanyape kame oudo tie kede agwara be, “Gony imalaikan ongwon kame kotweo i ecilet adwong me Eupurate.” 15Aso, di oko gonyo imalaikan ongwon nogo, gin oudo kotieko iiko gi cuto kitie daro esawa nono, ceng nono, duwe nono kede mwaka nono, pi neko acel i kom adek me jo dedede. 16Ango ako winyo wel me isirikalen kame oudo wanano asigiran oudo tie milion tol are. 17Epone kame ango oudo aneno kede asigiran nogo i gianyuta en ine: jo kame wanano gi oudo ongapo i kor gi ibukui kame kwar bala mac, kame tie ebululu ebululu bala sapir, kede kame tie bisali bisali bala salupa. Wi asigiran nogo oudo cal bala wi inguon, di mac kede yiro kede salupa wok ki dog gi. 18Can adek nogi me mac, yiro kede salupa kame oudo wok ki dog gi oko neko acel i kom adek me jo dedede. 19Pien twer me asigiran nogo tie i dog gi kede i yib gi. Yib gi cal bala twole, di kitie kede wi gi kame kimio kede jo awanon.

20 # Sabuli 115.4-7; 135.15-17; Danieri 5.23 Jo icegun dedede kame can nogi likame oneko, likame oko swilaro ki gikame cing gi otimo, amoto weko woro jwogi, cal jwogi kame kotimo kede saabu, siliba, nyonyo burons, kidi kede yat kame kopao, gi kalikame neno piny amoto winyo kop arabo twero ot. 21Doko da likame gin kiko swilaro ki nek, ki tim gi me jwok, ki caro kede ki tim gi me kuwo.

Currently Selected:

Gianyuta 9: BILK13

Highlight

Copy

Compare