Gianyuta 8
8
Amwon me Kanyaare
1Kakame Katin Romo oyabo kede amwon me kanyaare, ling oko bedo tie malo pi kare kame romo bala dul esawa. 2Di ako neno imalaikan kanyaare, kame cungo i nyim Rubanga, di kotie mino gi agwara kanyaare.
3 #
Amosi 9.1; Yai 30.1, 3 Di malaika ace oko bino di eko cungo i nyim alutari di emako gi me dunyo bubani. Di oko mine bubani atot pi yalo karacel kede ilega me jokacil i alutari kame kotimo kede saabu, kame cungo i nyim kom me ajakanut. 4Yiro me bubani di oko duny malo karacel kede ilega me jokacil ki cing malaika kame tie i nyim Rubanga. 5#Jolebi 16.12; Esekeri 10.2; Yai 19.16; Gianyuta 11.19; 16.18Di malaika nono oko kwanyo gi me dunyo bubani, eko pongo iye mac kame kokwanyo ki alutari, di eko lwomo gi nono piny i lobo. Di amwocumwocun kame cal bala me kot, icelakin, meny atot acal bala me kot, kede yangere me piny oko timere.
Agwara Kanyaare
6Di imalaikan kanyaare kame oudo mako agwara kanyaare di oko iikere pi kuto gi.
7 #
Yai 9.23-25; Esekeri 38.22 Malaika me agege oko kuto agwara mere, di akako kede mac konyale kede remo oko cwei i lobo. Acel i kom adek me wi lobo oko wang, acel i kom adek me yen dedede da oko wang, kede lum dedede oko wang.
8Malaika me are oko kuto agwara mere, di eko lwomo i nam adwong gimoro kame cal bala moru ati kame oudo tie liel mac. 9Di acel i kom adek me nam oko lokere odoko remo, acel i kom adek me giakuo kame bedo i nam oko to, kede acel i kom adek me imerin oko dudubun.
10 #
Isaya 14.12
Malaika me adek oko kuto agwara mere, di acer ati oko poto ki malo di eliel bala toc, en epoto eko umo acel i kom adek me icileta kede ataneko me pii. 11#Yeremia 9.15Nying acer nono en “Ekec.” Acel i kom adek me pii oko doko kec, di jo atot kame omato pii nono oko to, pien oudo edoko kec.
12 #
Isaya 13.10; Esekeri 32.7; Yoweri 2.10, 31; 3.15 Malaika me ongwon oko kuto agwara mere, di gimoro oko dipo dul acel i kom adek me wang ceng, acel i kom adek me wang duwe, kede acel i kom adek me acerin, omio acel i kom adek me lero kame gin kimio oko doko colo, acel i kom adek me iceng oko bedo abongo lero kede acel i kom adek me iwor da oko bedo kamanono.
13Di ango ako tingo wanga, ako winyo ekokom kame oudo tie por i malo okwidu di ekok kede dwan amalo be, “Otukwi can, otukwi can, otukwi can kame jo abedo i wi lobo bino neno ka kokuto agwara kame imalaikan adek oyapuno kuto!”
Currently Selected:
Gianyuta 8: BILK13
Highlight
Copy
Compare
Share
Want to have your highlights saved across all your devices? Sign up or sign in
Baibuli I Leb Kumam © Bible Society of Uganda, 2013.
