Popular Bible Verses from Gianyuta 9

Share

Jo icegun dedede kame can nogi likame oneko, likame oko swilaro ki gikame cing gi otimo, amoto weko woro jwogi, cal jwogi kame kotimo kede saabu, siliba, nyonyo burons, kidi kede yat kame kopao, gi kalikame neno piny amoto winyo kop arabo twero ot. Doko da likame gin kiko swilaro ki nek, ki tim gi me jwok, ki caro kede ki tim gi me kuwo.

Di obonyo oko wok ki yiro nono bino i lobo, di oko mino gi twer acal bala me ekiliton. Oudo koyamo ne gi be kur kidudubo lum me lobo arabo gikame tui amoto yen, do kenekene kimi jo kalikame tie kede alama ka Rubanga i tur nyim gi lito.

Di malaika me kany oko kuto agwara mere, di ako neno acer kame oudo opoto ki malo, di oko mine sumilito me dog bur atut wiriwir.

Oudo likame koyei ne gi neko jo, do oudo koyei ne gi mino gi lito pi dwete kany. Lito kame kimio jo oudo cal bala lito kame ekiliton mio kame ekao dano.

Malaika kame lo bur atut wiriwir en kame oudo obedo abaka gi. Nyinge i leb Eburania en Abadon, do i leb Gurik kolwonge be Apoliyon.