Gianyuta 7

Jo 144,000 me Isirael

1 # Yeremia 49.36; Danieri 7.2; Sakaria 6.5 Ingei man ako neno imalaikan ongwon di kitie cungo i bad ongwon me lobo, di kigengo yamere ongwon me lobo buko, tetekeny kur yamo moro buki i lobo arabo i nam amoto i kom yat moro. 2Di ako neno malaika ace di tie ot malo ki tetu wok ceng, di etie kede alama ka Rubanga, di en eko lwongo kede dwan amalo imalaikan ongwon kame oudo komio twer me dudubo lobo kede nam. 3#Esekeri 9.4, 6En ewaco be, “Kur idudubunu lobo arabo nam amoto yen, tuno di wan otieko keto alama i tur nyim jotic ka Rubanga wa.” 4Di ako winyo wel me jo kame koketo alama i tur nyim gi, oudo kitie tutumia tol acel kede ot ongwon kiwie ongwon, gin jo kame owok kiye atekerin dedede me Isirael. 5Koketo alama i tur nyim jo tutumia tomon kiwie are me ateker ka Yuda, jo tutumia tomon kiwie are me ateker ka Ruben, jo tutumia tomon kiwie are me ateker ka Gad. 6Doko koketo alama i tur nyim jo tutumia tomon kiwie are me ateker ka Aser, jo tutumia tomon kiwie are me ateker ka Naputali, jo tutumia tomon kiwie are me ateker ka Manase. 7Doko koketo alama i tur nyim jo tutumia tomon kiwie are me ateker ka Esimioni, jo tutumia tomon kiwie are me ateker ka Lebi, jo tutumia tomon kiwie are me ateker ka Isakari. 8Doko koketo alama i tur nyim jo tutumia tomon kiwie are me ateker ka Sebulun, jo tutumia tomon kiwie are me ateker ka Yosepu, kede jo tutumia tomon kiwie are me ateker ka Benjamin.

Twon Ekodet me Jo

9Ingei man, ango ako neno twon ekodet me jo kalikame ngatamoro karuno maro wel gi. Jo kame owok kiye atekerin dedede, abilere dedede, jo me erangi dedede kede leb dedede, di kitie cungo i nyim kom me ajakanut kede i nyim Katin Romo, di kingapo ikanson atar kede di kimako jange me otit i cing gi. 10Oudo gin kitie lelemo be, “Alako wok kibut Rubanga wa, ngat kame bedo i kom me ajakanut, kede kibut Katin Romo!” 11Imalaikan dedede kame oudo tie cungo luko kom me ajakanut, joadongo kede giacwea akuo ongwon, oko riebere piny i nyim kom me ajakanut di kiko woro Rubanga, 12di kiwaco be, “Amen! Pak, deyo, rieko, pwoc, wor, twer, kede teko bed but Rubanga wa ikar kede ikar! Amen.”

13Di ngat adwong acel oko penya be, “Alu ige kame ongapo ikanson atar, doko kiwok kituai?”

14 # Danieri 12.1; Matayo 24.21; Marako 13.19 Ango ako dwoko ne be, “Adwong, in en kame ingeo.” Di en eko waco na be, “Magi en jo kame owok ki can alit. Gin kilwoko ikanson gi kede remo me Katin Romo oko doko tar. 15Pi mano, gin do kitie i nyim kom me ajakanut ka Rubanga, di kiwore iceng kede iwor i tempulo mere; doko ngat kame bedo i kom me ajakanut bino gwoko gi. 16#Isaya 49.10Kec likame bobo bino neko gi, akadi orio me pii da likame bino neko gi; ceng likame bino wango gi akadi lieto moroni. 17#Sabuli 23.1; Esekeri 34.23; Sabuli 23.2; Isaya 49.10; 25.8Pien Katin Romo kame tie i nyim kom me ajakanut bino bedo ngakwat gi, en ebino telo gi etero gi i atan me pii me kuo di Rubanga ko bino weno pige wang gi dedede.”

Currently Selected:

Gianyuta 7: BILK13

Highlight

Copy

Compare