Zaaburi 103
103
Okusiima Mukama ahabw'emigisha ye yoona
Zaaburi ya Daudi
1 #
Zab 104:1. Singiza MUKAMA, iwe magara gangye!
Na byona ebiri omuriinye bisingize eiziina rye eririkwera!
2 #
Bir 6:12. Singiza MUKAMA, iwe magara gangye,
Kandi oteebwa ebirungi byona ebi yaakukoreire.
3 #
Kur 15:26; 34:7; Isa 33:24; Yer 17:14; Mak 2:5; Luk 7:47. Niwe asaasira eby'okutahikiirira byawe byona,
Akakiza endwara zaawe zoona;
4 #
Zab 56:13. Akacungura amagara gaawe, ngu garekye kuhwerekyerera,
Akakujweka embabazi n'okusaasirwa nk'ekirunga;
5 #
Zab 107:9; Isa 40:31. Akakuhaazya ebirungi,
Ngu obutsigazi bwawe bugarukye busya nk'empungu.
6 #
Zab 147:7. MUKAMA akora eby'okuhikiirira;
Boona abarikubonabonesibwa abakorera eby'oburyo.
7 #
Kur 33:13; 34:10. Akamanyisa Musa emitwarize ye,
N'Abaisraeli yaabooreka ebi yaakozire.
8 #
Zab 86:15. MUKAMA n'omunyambabazi, kandi omusaasizi;
Tarahika kuguubwa kubi, kureka agira okusaasira kwingi.
9 #
Isa 57:6; Yer 3:5, 12; Mik 7:18. Tariguma naahana obutoosha,
N'obu kwakuba okuguma n'ekiniga ebiro byona.
10 #
Ezr 9:13. Tatugira nk'ebibi byaitu oku biri,
N'obu kwakuba okutuzimuurira nk'okutahikiirira kwaitu oku kuri.
11 #
Zab 117:2; Luk 1:50. Ahakuba nk'eiguru oku riri ahaiguru munonga okuruga ahansi,
N'embabazi ezi agirira abarikumutiina nikwo ziri nyingi.
12 #
Isa 38:17; Mik 7:19. Nk'oburugwa-izooba oku eri hare n'oburengyerwa-izooba,
Nikwo atwaire atyo hare eby'okushiisha byaitu.
13 #
Mal 3:17. Nka ishe w'abaana oku asaasira abaana be,
Nikwo MUKAMA asaasira abarikumutiina;
14 #
Zab 78:39; Kut 3:19; Mub 12:7. Ahakuba naamanya obuhangwa bwaitu,
Naijuka ku turi omucuucu.
15 #
Zab 90:5; Yob 14:2. Eby'omuntu, ebiro bye biri nk'obunyaatsi;
Aba gye, nk'ekirabyo ky'omu ishwa;
16 #
Yob 7:10; Isa 40:7. Ahakuba omuyaga ku gukihuuha, kihwaho,
Omwanya gwakyo gutsigara gutakikimanya.
17Kwonka embabazi za MUKAMA ziguma aha barikumutiina okwiha iranaira, okuhitsya obusingye bwona,
N'okuhikiirira kwe kuhika aha baijukuru.
18 #
Bir 7:9. Aha barinda endagaano ye,
Bakaijuka ebiragiro bye, bakabyorobera.
19 #
Zab 47:2; 93:2; Dan 4:17. MUKAMA akahamya ekitebe kye eky'obukama omu iguru,
N'obukama bwe butegyeka byona.
20 #
Zab 148:2; Mat 6:10; Luk 2:13. Musingize MUKAMA, imwe baamaraika be,
Imwe amamanzi g'amaani, abarikukora ebi yaaragiire,
mukahurira eiraka ry'ekigambo kye.
21 #
Kut 32:2; Dan 7:10; Heb 1:14. Musingize MUKAMA, iwme amahe ge goona,
Abaheereza be abakora ebi akunda.
22 #
Zab 103:1; 145:10. Musingize MUKAMA, imwe emirimo ye yoona omu myanya yoona ei arikutegyeka.
Singiza MUKAMA, iwe magara gangye!
Currently Selected:
Zaaburi 103: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
