Zaaburi 102
102
Okushaba kw'omuntu orikubonabonesibwa, yaaba naataaga, naashuka amaganya omu maisho ga MUKAMA
1 #
Zab 39:12; Kur 2:23. Hurira okushaba kwangye, ai MUKAMA,
N'okutaka kwangye kukuhikyeho.
2 #
Zab 18:6; 27:9; 56:9; 69:17. Otaanyima amaisho aha izooba ry'obusaasi bwangye,
Ontegye okutu kwawe,
Orahukye kungarukamu aha izooba eri ndaakutakirireho;
3 #
Tonz 1:13; Yak 4:14. Ahakuba ebiro byangye bihwaho nk'omwika,
N'amagufa gangye nigabugumwamu omuriro nk'ekikoomi.
4 #
2 Sam 12:17; Isa 40:7; Yak 1:10, 11. Omutima gwangye guri nk'obunyaatsi obuteirwe omushana, bukahonga;
Mbuzire n'agarya eby'okurya.
5 #
Yob 19:20. Ahabw'okutsinda kwingi munonga
Amagufa gangye garamataine n'omubiri.
6 #
Isa 34:11; Zef 2:14. Ndi nka nyamunyonyi y'omu ihamba,
Nari nk'ekihihizi omu myanya etarimu bantu.
7Ndaara nindeeba;
Ndi nk'ekiteerankumba ekiteekami kyonka aha mutwe gw'enju.
8 #
Byak 26:11. Abazigu bangye banjuma eizooba ryona;
Abangwereire eiraro bampindwire eky'okujumisa abandi;
9 #
Zab 42:3. Ahakuba ndiire eiju ry'akashenda nk'omugaati,
Naajwanzya eky'okunywa kyangye n'amarira,
10Ahabw'okuguubwa kubi kwawe n'ekiniga kyawe,
Ahabw'okuba ontwaire, wannaga.
11 #
Zab 109:23. Ebiro byangye ni nk'ekicuucu ky'omu mwabazyo ekihwaho.
Kandi nyomire nk'obunyaatsi.
12 #
Zab 135:13; Kur 3:15. Kwonka Iwe MUKAMA, oryaguma aha ngoma ebiro byona;
Kandi eb'obusingye bwona baryaguma bakwijukye.
13 #
Isa 60:10; Yer 29:10; Zek 1:12. Oryaimuka osaasire Saayuuni;
ahakuba nibwo bunaku bw'okugigirira embabazi;
Eego, obunaku obwatairweho buhikire.
14 #
Neh 4:2. Ahakuba abairu baawe bakunda amabaare gaayo,
Kandi basaasibwa omucuucu gwayo.
15 #
Zab 138:4; 1 Bag 8:43; Isa 60:3. Amahanga garyatiina eiziina rya MUKAMA,
N'abagabe boona ab'ensi batiine ekitiinisa kyawe;
16Ahabw'okuba MUKAMA aryagaruka ayombekye Saayuuni,
Kandi areeberwe omu kitiinisa kye.
17Aryata omutima aha kushaba kw'enshoberwa;
Tarigaya kweshengyereza kwabo.
18 #
Zab 22:31; Isa 43:21; Rom 15:4; 1 Kor 10:11. Ekyo ka kihandiikirwe ab'obusingye oburiija,
Ngu abantu abarizaarwa bahimbise MUKAMA;
19 #
Zab 14:2; Bir 26:15. Ahabw'okuba MUKAMA akareeba ahansi, ari ahaiguru omu Mwanya gwe ogurikwera,
Yaareeba n'ensi, naayema omu iguru,
20 #
Zab 79:11. Ngu ahurire okutsinda kw'embohe,
Akomorore abacwereirwe orubanja rw'okufa;
21 #
Zab 22:22. Ngu abantu bagambe omuri Saayuuni eiziina rya MUKAMA.
N'okuhimbisibwa kwe omuri Yerusaalemu,
22 #
Zab 22:27. Abantu bateeraniire hamwe
N'amahanga goona kuramya MUKAMA.
23 #
Zab 89:45; Yob 36:26; Zab 90:2; Isa 38:10. Akatuubya amaani gangye nkiri rwagati.
Yaacwa aha biro byangye.
24Naagira nti: Ai bambe Ruhanga wangye, otantwara nkiri ahagati y'ebiro byangye,
Haza emyaka yaawe eba ey'obusiingye bwona.
25 #
Heb 1:10-12. Okutaho omusingi gw'ensi iranaira,
N'eiguru rikahangwa emikono yaawe.#Kut 1:1; Yob 38:4-7; Isa 42:5.
26 #
Isa 34:4; 51:6; Mat 24:35; Kush 20:11. Ebyo biryahwaho, kwonka Iwe oryagumaho;
Eego, ebyo byona biryakura nk'ekijwaro,
Oryabihindura nk'omwenda, bihindukye okundi;
27 #
Isa 41:4; Mal 3:6; Yak 1:17. Kwonka Iwe tohinduka,
Kandi emyaka yaawe terihwaho;
28 #
Zab 37:29; 69:36. Abaana b'abairu baawe baryagumaho;
Kandi oruzaaro rwabo ruryahambibwa omu maisho gaawe.
Currently Selected:
Zaaburi 102: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
