Enfumu 6
6
Eby'okwemererera
1 #
Yob 17:3. Mwana wangye, ku oryemererera mutaahi waawe,
Waakwatiriza omunyaihanga,
2Bwanyima waashanga ogwire omu mutego omu bi ogambire,
Okwatiirwe omu bigambo ebirugire omu kanwa kaawe,
3 #
Luk 11:8. Obwo oryatwaza oti, mwana wangye, obone kwejuna;
Ahakuba oryaba ogwire omu mikono ya mutaahi waawe;
Oryagyenda nooyehuuta, omukwate amaguru noomweshengyereza;
4 #
Zab 132:4. Otariikiriza amaisho gaawe kugwejegyera,
N'ebitsigye byawe kuhungira;
5 #
Zab 91:3. Yejune nk'oku enzaza eyejuna omuhiigi,
Nk'oku enyonyi esyoka omu ngaro z'ogitegire.
Eby'obweremwa
6 #
Enf 30:25. Iwe mweremwa 'we, ow'ekimunyu,
Oyetegyereze oku kitwaza, haza ogire obwengye.
7 #
Enf 30:27. Tikigira mukuru,
Nari omutware, nari omutegyeki;
8 #
Enf 10:5. Kwonka kyehunikira eby'okurya omu kyanda,
Kandi omu ishaaruura kyeshangururiza eby'okukitunga.
9Iwe mweremwa 'we, oryabyama ohitsye hi?
Oryasisiimuka ryari kuruga omu turo?
10 #
Enf 24:33, 34; Mub 4:5. Noogira oti: Reka ngwejegyereho kakye, mpungireho kaingana busha;
Nangwa mpinyeho nti omukono, ngwejengyereho.
11Kwonka omanye obworo ku burikwizira nk'omunyagi,
N'obukyene bukakuhikaho nk'omuntu ohagatiire eby'okurwanisa.
Ebi Ruhanga ayanga
12Omuntu otaine mugasho, omuntu omubi,
Agyenda naagamba ebikiikami,
13 #
Zab 35:19. Aitira abandi amaisho, agambisa ebigyere,
Arengyeza bagyenzi be n'engaro.
14Ateekateeka enaama mbi omu mutima ogurikwehabagiza,
Obutoosha abiba okwangana.
15 #
Enf 29:1; Yer 19:11. N'ahabw'ekyo aryagwerwa akagwe kitaraariire,
Ahendekye ahonaaho okuhendeka okutaribungwa.
16Hariho ebintu mukaaga, nangwa ni mushanju,
Ebi MUKAMA ayanga, kandi ebi anuga,
17 #
Enf 12:22; Zab 101:5; Isa 59:3, 7. Amaisho g'amaryo, orurimi orubeiha,
Emikono esheesha eshagama y'abataine rubanja,
18 #
Enf 1:16; Kut 6:5. Omutima oguteekateeka enaama mbi,
Ebigyere ebirahukira ekibi,
19 #
Enf 12:17; 14:5; 16:28. Mushinja otari w'amazima ogamba ebishuba,
N'omuntu obiba eby'okuteerana abantu omu b'eisheemwe
Ebua baamaraaya
20Mwana wangye, ogume oyorobere ebiragiro bya sho,
Kandi otaruga aha kwegyesa kwa nyoko.
21 #
Enf 3:3. Ogume obikomeire aha mutima gwawe,
Kandi obizingirire omu maraka gaawe.
22 #
Enf 3:23, 24. Biryakwebembera omu kugyenda,
Bikurinde ogwejegyeire,
Kandi bigaaniire naiwe waasisiimuka.
23 #
Zab 119:105. Ahabw'okuba ebiragiro n'etabaaza, n'okwegyesa n'omushana,
N'okuhana kw'orikukutegyeka nigwo muhanda gw'amagara,
24Okukurinda omukazi mubi,
N'okukurinda karimi karungi, omukazi owaariire enshoni.
25 #
2 Bag 9:30; Mat 5:28. Otaryetenga oburungi bwe omu mutima gwawe,
Kandi otaritwarwa engohe ze;
26 #
Enf 29:3; 1 Sam 2:36; Ezk 13:18. Ahabw'okuba maraaya agurwa akagaati,
Kwonka omukazi enshambani ahiiga amagara g'omushaija.
27 #
Yob 31:12. Omuntu akaabaasa kutwarira omuriro omu kifuba kye,
Emyenda ye etasye?
28Nari omuntu akaabaasa kugyendera aha makara garikwotsya,
Ebigyere bye bitababukye?
29Nikwo ari atyo oza ahari muka mutaahi we;
Tihariho n'omwe omukoraho oribura kufubirwa.
30Abantu tibagaya mushuma
Yaiba kwemara enjara;
31 #
Kur 22:1, 4. Kwonka ku akwatwa, ariha emirundi mushanju,
Ahayo eby'omu ka ye byona.
32 #
Enf 7:7; 9:4; 10:13. Oshambana, aba ataine bwengye;
Okikora, aba naacwekyereza amagara ge.
33Eki aihayo n'obuhuta n'okuhemuka,
Kandi okuhemuka kwe tikuriragazibwa;
34 #
Enf 27:4; Kyesh 8:6. Ahabw'okuba obufuuhi bureetera omuntu ekiniga kingi,
Omu kuhoora enzigu tasaasira.
35Taikiriza kuhongyerwa kwona,
N'obu waakumuha ebiconco ebirikwingana bita, takaikaikana.
Currently Selected:
Enfumu 6: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
