Popular Bible Verses from Enfumu 6

Share

Hariho ebintu mukaaga, nangwa ni mushanju, Ebi MUKAMA ayanga, kandi ebi anuga, Amaisho g'amaryo, orurimi orubeiha, Emikono esheesha eshagama y'abataine rubanja, Omutima oguteekateeka enaama mbi, Ebigyere ebirahukira ekibi, Mushinja otari w'amazima ogamba ebishuba, N'omuntu obiba eby'okuteerana abantu omu b'eisheemwe

Iwe mweremwa 'we, ow'ekimunyu, Oyetegyereze oku kitwaza, haza ogire obwengye.

Noogira oti: Reka ngwejegyereho kakye, mpungireho kaingana busha; Nangwa mpinyeho nti omukono, ngwejengyereho. Kwonka omanye obworo ku burikwizira nk'omunyagi, N'obukyene bukakuhikaho nk'omuntu ohagatiire eby'okurwanisa.

Mwana wangye, ogume oyorobere ebiragiro bya sho, Kandi otaruga aha kwegyesa kwa nyoko. Ogume obikomeire aha mutima gwawe, Kandi obizingirire omu maraka gaawe.