Enfumu 5
5
Eby'okwerinda obushambani
1Mwana wangye, ta omutima aha bwengye bwangye,
Otegye okutu okwetegyereza kwangye,
2 #
Mal 2:7. Obone kugumya okwerinda,
Kandi eminwa yaawe erinde okumanya,
3 #
Enf 2:16; Zab 55:21; Kyesh 4:11. Ahabw'okuba eminwa y'omukazi enshambani etoonya obwoki,
N'ebigambo bye bikiza amajuta kuterera,
4 #
Zab 149:6; Mub 7:26; Tonz 3:15. Kwonka aha muheru ashaarira nk'omuravunga,
Agira obwogi nka rurara y'amoogi abiri.
5 #
Enf 7:27. Ebigyere bye bishuuma omu kufa,
N'entambwe ze zitoora omuhanda ogurikuza Okuzimu.
6Tayeta ha muhanda gw'amagara.
Emihanda ye n'ey'okuzengyerera, kwonka we tabimanya.
7Mbwenu baana bangye, mumpurire,
Murekye kuruga aha bi ndikugamba.
8Mwetantarire hare,
Kandi otairira haihi emiryango y'enju ye,
9Otakaaha ekitiniisa kyawe abandi,
N'emyaka yaawe abatarikusaasira,
10Abanyamahanga batakaakumaramu amaani,
N'emirimo yaawe ekakorerwa omu nju y'omunyaihanga;
11Kandi aha muheru gw'amagara gaawe okaborooga,
Waahweire aha magufa,
12 #
Enf 1:22, 25, 29; Zab 107:11. Okeefuuza noogira oti: Eshi nkaba eihano kwanga kutegyekwa,
N'omutima gwangye kwanga kuhanwa!
13Tindahuriire bi abashomesa bangye bangambiire,
N'obu kwakuba okutega amatu abarikumpabura.
14Nkaba ndi haihi kufeera kimwe,
N'okugwa ahagati y'omutwe gw'abantu.
15 #
Kyesh 4:12, 15; Yer 2:13. Nywa amaizi g'eiziba ryawe,
Agarikuruga omu iziba eri oyefukuriire.
16Beitu shi, enshuro zaawe zishemereire kumaamagizibwa oku n'oku,
Zikaba emigyera y'amaizi omu nguuto?
17 #
Enf 14:10. Ka gabe agaawe wenka,
Garekye kuba ag'abagyenyi baawe.
18 #
Mub 9:9; Mal 2:14. K'enshuro yaawe eheebwe omugisha,
Oshemerererwe omukazi ow'omu butsigazi bwawe,
19 #
Kyesh 4:5. Akubeere nk'ebuguma y'empara erikukundwa, n'ey'esirabo erikushemeza;
Amabeere ge gagume gakuhaazye,
Kandi obutoosha oshemezibwe okukunda kwe.
20 #
Enf 5:3. Mwana wangye, ahabw'enki oshemezibwa omukazi enshambani,
Okenda ngu ofumbate ogwo mukazi waariire enshoni?
21 #
Yob 31:4; Zab 119:168; Yer 16:17; Heb 4:13. Ahakuba emitwarize y'omuntu eba omu maisho ga MUKAMA,
Kandi niwe agumya eriisho aha mihanda ye yoona.
22 #
Zab 7:15, 16; Hos 7:2. Omunyabibi aryakwatwa okutahikiirira kwe,
Emigoye y'ekibi kye emugumye.
23 #
Enf 10:21; Yob 4:21. Afe azire okwanga kuhaburwa,
Kandi ahabw'obufa-mutima bwe afeere kimwe.
Currently Selected:
Enfumu 5: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
