Enfumu 7
7
Omuheru gw'obushambani
1Mwana wangye, rinda ebigambo byangye,
Kandi ebiragiro byangye obyezirikye.
2 #
Enf 4:4; Bir 32:10. Ogume oyorobere ebiragiro byangye, obone kugumaho;
N'ebi ndikwegyesa obirinde nk'emboni y'eriisho ryawe.
3 #
Enf 3:3; Bir 6:8. Bikome aha nkumu zaawe,
Obihandiikye aha kishate ky'omutima gwawe.
4Gira Bwengye oti: Niiwe munyaanyazi;
Kandi okwetegyereza okwete munywani waawe ow'aha mara.
5 #
Enf 2:16. Ebyo bikurinde omukazi enshambani,
N'akarimi karungi ak'omukazi owaariire enshoni.
6Ahakuba nkaringuririza
Omu dirisa y'enju yangye,
7 #
Enf 6:32. Naareeba, kandi naayetegyereza,
Omu batsigazi abataine bwengye,
8Naaraba omu nguuto eririkuraba haihi n'akeekubo k'aha nju y'ogwo mukazi,
Agyemire omuhanda ogurikuzayo,
9 #
Yob 24:15. Omu rwita-waabo omu mwabazyo,
Nyekiro omu mwirima ndindindi.
10Kandi reeba ogwo mukazi yaamubugana,
Ajwaire eby'obwamaraarya, aine omutima gw'oburyarya.
11 #
1 Tim 5:13. N'omukazi omuhwa-nshoni kandi ekyegyengye,
Ou ebigyere bye bitaikara mu nju.
12Obumwe aza omu nguuto, obundi omu katare,
Naategyereza ahari buri keekubo k'omuhanda.
13Ku yamureebire, yaamukwata, yaamunywegyera,
Yaagamba nawe ataine kashoni, naamugira ati:
14 #
Lev 7:11; Zab 50:14. Mbaire ndi ow'okuhonga empongano z'okusiima ahabw'obusingye,
Mbwenu ebi naaraganiise naabiheza eri izooba.
15Nikyo naizira hati kukubugana,
Ninkusherura nkwiniire orushusho; mbwenu naakubona.
16 #
Enf 31:22; Isa 19:9. Ekitabo kyangye nkyazireho emyenda etariize eya bafuta,
Ecwererainemu amabara g'emyenda ya Misri.
17 #
Zab 45:8. Nyoteire ekitanda kyangye n'emigaju erikutaamirana
Ya sumuruna n'obunyanunga n'omudarasiini.
18Ija tuhikiirize okukundana kwaitu, burugyeho busheeshe,
Tweshemeze omu kukundana kwaitu;
19Ahakuba ibanye tarimu,
Azindukiire hare;
20Atwaire enshaho y'empiiha;
Aryagaruka okwezi kuri ekizooro.
21 #
Zab 12:2. Ahabw'ebigambo ebirikunuriirira, yaamubeihabeiha,
Yaamutwaza akarimi karungi.
22Ahonaaho yaamukurata,
Nk'ente erikuza kubaagwa,
Nk'omugwa-iraro orikutwarwa omu nkomo kuhanwa;
23 #
Mub 9:12. Okuhitsya obu omwambi gwamucumitsire omu kitugu;
Nk'oku enyonyi eiruka ekagwa omu mutego,
Etarikumanya ku amagara gaayo gategirwe.
24Mbwenu baana bangye, mutegye amatu;
Mute omutima aha bigambo ebirikuruga omu kanwa kangye.
25Otaikiriza omutima gwawe kuhungutukira omu mihanda ye,
Otahabira omu tuhanda twe;
26 #
Neh 13:26. Ahabw'okuba agwisize baingi;
Eego, boona abu araitsire n'eihe rihango.
27 #
Enf 2:18; 5:3; 9:18. Enju ye n'omuhanda ogurikuza Okuzimu,
nigushuuma omu bishengye bya rufu.
Currently Selected:
Enfumu 7: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
