Enfumu 4
4
Omugisha oguheebwa abanyabwengye
1Baana bangye, mugume mutegye amatu okwegyesa kwa shoimwe,
Kandi mukuteho omutima, mubone kugira okwetegyereza;
2Ahabw'okuba nimbaha ebiragiro birungi,
Mutarireka okwegyesa kwangye.
3Ku naabaire ndi omwana, ndi hamwe na tata,
Ndi omwana orikworoba, kandi omwe wenka ahari maawe,
4 #
Lev 18:5; Isa 55:3. Tata akanyegyesa, yangira ati:
Omutima gwawe gugume guhamye ebigambo byangye,
Oyorobere ebiragiro byangye, obone kugumaho.
5 #
Enf 2:2. Otaryebwa ebigambo by'omu kanwa kangye, kandi otaribireka.
Gira obwengye; gira okwetegyereza.
6 #
2 Tes 2:10. Otaribureka, nibwo burikugumyaho;
Obukunde, buryakurinda.
7Obwengye n'ekintu kikuru; gira obwengye;
Ebi otungire byona, obisheruze okwetegyereza.
8 #
1 Sam 2:30. Obusingize munonga, nabwo buryakutunguura;
Ku oribubumbatira, buryakuhaisa ekitiinisa.
9 #
Enf 1:9. Buryakujweka eihunde rirungi aha mutwe,
Kandi bukuteho ekirunga kirungi.
10Mwana wangye, hurira ebigambo byangye, kandi obiikirize,
Emyaka y'amagara gaawe ebone kuba mingi.
11Nkakwegyesa oku oraatungye obwengye,
Naakuhabura emihanda egororokire.
12 #
Enf 3:23; Zab 18:36. Omu kugyenda kwawe toritsibaaza,
Kandi ku oriiruka, toriteera ntsibo.
13Hamya ebi oyegyesiibwe, otaribireka;
Obirinde, ahabw'okuba nigo magara gaawe.
14 #
Zab 1:1. Otaritoora akahanda k'enkozi z'ebibi,
Kandi otarigyendera omu muhanda gw'abantu babi.
15Ogume ogwetantare, orekye kugurabamu;
Ogwehuzye, ogumizemu;
16 #
Zab 36:4. Ahakuba bo, ku baba batakakozire kibi, tibagwejegyera;
Ku baba batakateerize muntu ntsibo, babura oturo.
17Ahabw'okuba barya eby'okurya by'obubi,
Kandi banywa viinyo y'okunyagisa abandi amaani.
18 #
Yob 11:17; 22:28; Isa 62:1; Dan 12:3. Kwonka omuhanda gw'abahikiriire ni nk'omushana ogw'omu kasheeshe
Ogugumizamu nigwaka gukahitsya omu ihangwe.
19 #
1 Sam 2:9; Isa 59:9, 10; Yer 23:12; Yoh 11:10; 1 Yoh 2:10. Omuhanda gw'ababi ni nk'omwirima ndindindi;
Tibamanya kibateeza entsibo.
20Mwana wangye, ta omutima aha bigambo byangye,
Otegye okutu ebi ndikugamba.
21Otaribireka bikakuruga omumaisho,
Obigumye aha mutima gwawe;
22 #
Enf 8:35; Bir 32:47. Ahabw'okuba n'amagara ahari abo ababizoora,
Kandi n'omubazi aha mibiri yaabo yoona.
23 #
Mat 12:34, 35. Rinda omutima gwawe okukira ebindi byona ebi orikurinda,
Ahakuba nigwo gurugwamu enshuro z'amagara.
24Yete hare akanwa akarikugamba eby'okwehabagiza,
Kandi n'ebigaaniiro ebirikuhabisa obyete hare.
25 #
Heb 12:2. Shoronzya amaisho gaawe gareebere kimwe omumaisho,
Kandi ogahamizeyo kimwe.
26 #
Enf 5:6, 21; Heb 12:13. Yetegyereze ahu ebigyere byawe birikuraba,
Obwo nibwo emihanda yaawe erihama.
27 #
Bir 5:32. Otarigwera aha rubaju rwa buryo nari orwa bumosho;
Iha ekigyere kyawe omu bubi.
Currently Selected:
Enfumu 4: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
