Popular Bible Verses from Enfumu 4

Share

Rinda omutima gwawe okukira ebindi byona ebi orikurinda, Ahakuba nigwo gurugwamu enshuro z'amagara.

Yetegyereze ahu ebigyere byawe birikuraba, Obwo nibwo emihanda yaawe erihama.

Yete hare akanwa akarikugamba eby'okwehabagiza, Kandi n'ebigaaniiro ebirikuhabisa obyete hare.

Obwengye n'ekintu kikuru; gira obwengye; Ebi otungire byona, obisheruze okwetegyereza.

Kwonka omuhanda gw'abahikiriire ni nk'omushana ogw'omu kasheeshe Ogugumizamu nigwaka gukahitsya omu ihangwe. Omuhanda gw'ababi ni nk'omwirima ndindindi; Tibamanya kibateeza entsibo.

Otaribureka, nibwo burikugumyaho; Obukunde, buryakurinda.

Hamya ebi oyegyesiibwe, otaribireka; Obirinde, ahabw'okuba nigo magara gaawe.

Otaritoora akahanda k'enkozi z'ebibi, Kandi otarigyendera omu muhanda gw'abantu babi.

Baana bangye, mugume mutegye amatu okwegyesa kwa shoimwe, Kandi mukuteho omutima, mubone kugira okwetegyereza