Enfumu 3
3
Oku abantu bashemereire kuba ahari Ruhanga
1 #
Bir 8:1. Mwana wangye, oteebwa okwegyesa kwangye,
Kureka omutima gwawe gugume gworobere ebiragiro byangye;
2 #
Enf 9:11; Zab 119:165. Ahakuba ebyo biryakureetera kugira ebiro bingi,
N'emyaka mingi, n'okuba gye munonga omu magara gaawe.
3 #
Enf 1:9; 7:3; Zab 85:10; Yer 17:1; 2 Kor 3:3. Embabazi n'obwesigwa birekye kukurugaho, obijware omu maraka,
Obihandiikye aha kishate ky'omutima gwawe.
4 #
1 Sam 2:26; Luk 2:52; Rom 14:18. Obwo nibwo oraashongokye, okagira eiziina rirungi
Omu maisho ga Ruhanga n'abantu.
5 #
Zab 37:3; Yer 9:23. Yesigye MUKAMA n'omutima gwawe gwona,
Orekye kwegamira okwetegyereza kwawe ahabwawe;
6 #
1 Bus 28:9; Yer 10:23. Omwemere omu mitwarize yaawe yoona,
Nawe aryaguma naatebeekanisa emihanda yaawe yoona.
7 #
Yob 28:28; Rom 12:16. Reka kwemanya obwengye;
Tiina MUKAMA, orugye omu bibi.
8Kiryaba eky'okutambira omubiri gwawe,
Kandi ekirikuruhuura amagufa gaawe.
9 #
Kur 23:19. Haisa MUKAMA ekitiinisa ebintu byawe,
Kandi n'emiganuro y'ebi oyerize.
10 #
Bir 28:8. Obwo ebitara byawe biryaijura n'aha bunwa,
N'amaato gaawe garyaijura viinyo, esheeshekye.
11 #
Bir 8:5; Yob 5:17; 1 Kor 11:32; Heb 12:5, 6; Kush 3:19. Mwana wangye, otarigaya okutegyeka kwa MUKAMA,
N'obu kwakuba okutamwa okuhana kwe;
12Ahakuba ou MUKAMA akunda, amuhana,
Nk'oku ishe w'omwana ahana omwana we ou ashemerererwa,
13Ohiiriirwe n'omuntu ozoora obwengye,
Kandi n'omuntu otunga okwetegyereza;
14 #
Enf 8:10, 11; Yob 28:15-18. Ahabw'okuba omugasho ogurimu nigukira ogw'omu feeza,
Kandi n'amagoba gaabwo nigakira ag'ezaabu;
15N'obw'obuguzi bwingi okukira amabaare g'omuhendo,
Kandi omu bi waakwetenga byona, tihaine kirikwingana nabwo.
16 #
Enf 8:18. Okuhangaara kuri omu mukono gwabwo gwa buryo,
N'omu gwa bumosho harimu obutungi n'ekitiinisa.
17Emihanda yaabwo n'emihanda erikugwisa gye,
N'otuhanda twabwo twona n'obusingye.
18 #
Kut 2:9; 3:22; Kush 2:7; 22:2. N'omuti gw'amagara aha barikubukwata,
N'abarikubuhamya nibeetwa abahiiriirwe.
19 #
Enf 8:27; Zab 104:24; 136:5. MUKAMA ahabw'obwengye bwe akahanga ensi,
N'eiguru yaarihamya ahabw'okwetegyereza kwe.
20 #
Kut 7:11; Bir 33:28; Yob 38:8. Ahabw'okumanya kwe enshuro z'okuzimu zikafumuka,
N'ebicu byatoonya orume ahansi.
Oku abantu bashemereire kuba aha bandi
21Mwana wangye, guma n'obwengye obuhikire, n'okwerinda;
Otaribireka bikakurugaho.
22 #
Enf 1:9; Bir 32:47. Ebyo biryahangaaza amagara gaawe,
Kandi bikubeere eby'okwehunda omu maraka.
23 #
Zab 91:11, 12. Nibwo origyenda omu muhanda gwawe buhooro,
N'ekigyere kyawe kitateere ntsibo.
24 #
Lev 26:6; Yer 31:26. Ku orishutama, toritiina;
Ku oribyama, oturo turyakunurira.
25 #
Yob 5:21; Zab 91:5. Otaritiina okukangwa kw'ahonaaho,
Nari okuhwerekyerera kw'ababi kwabaho,
26Ahabw'okuba MUKAMA aryaba obwesigye bwawe,
Kandi arinde ekigyere kyawe kirekye kukwatwa omutego.
27 #
Gal 6:10. Ebirungi ebiri omu bushoboorozi bwawe,
Otaribiima ababishemereire.
28 #
Lev 19:13; Bir 24:15. Otarigira mutaahi waawe oti: Irooko ogarukye;
Nyencakare nkikuhe.
Haza obwo okiine.
29Otarigirira mutaahi waawe enaama mbi,
Ou otwire nawe naakwesiga.
30Otaritonganisiza busha omuntu weean,
Ataine ki akwitsize.
31 #
Zab 37:1. Otarigirira eihari orikunyagisa abandi amaani,
Kandi omu mitwarize ye otarigira ei waamwegaho;
32 #
Yob 29:4. Ahakuba omuntu orikwehabagiza n'ekirikunugwa ahari Ruhanga,
Kwonka ab'omutima ogugororokire abeesiga.
33 #
Yob 8:6; Zek 5:4. Omukyeeno gwa MUKAMA guri aha nju y'ababi, q1 Kwonka obutaaho bw'abahikiriire abuha omugisha.
34 #
Zab 18:26; Yak 4:6; 1 Pet 5:5. Aha barikugaya, aba omugayi;
Kwonka abacureezi abagirira embabazi.
35 #
Fil 3:19. Ab'obwengye baryahungura ekitiinisa,
Kwonka abashema baryahemuka.
Currently Selected:
Enfumu 3: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
