Popular Bible Verses from Enfumu 3

Share

Yesigye MUKAMA n'omutima gwawe gwona, Orekye kwegamira okwetegyereza kwawe ahabwawe; Omwemere omu mitwarize yaawe yoona, Nawe aryaguma naatebeekanisa emihanda yaawe yoona.

Reka kwemanya obwengye; Tiina MUKAMA, orugye omu bibi.

Haisa MUKAMA ekitiinisa ebintu byawe, Kandi n'emiganuro y'ebi oyerize. Obwo ebitara byawe biryaijura n'aha bunwa, N'amaato gaawe garyaijura viinyo, esheeshekye.

Embabazi n'obwesigwa birekye kukurugaho, obijware omu maraka, Obihandiikye aha kishate ky'omutima gwawe.

Mwana wangye, otarigaya okutegyeka kwa MUKAMA, N'obu kwakuba okutamwa okuhana kwe; Ahakuba ou MUKAMA akunda, amuhana, Nk'oku ishe w'omwana ahana omwana we ou ashemerererwa

Mwana wangye, oteebwa okwegyesa kwangye, Kureka omutima gwawe gugume gworobere ebiragiro byangye; Ahakuba ebyo biryakureetera kugira ebiro bingi, N'emyaka mingi, n'okuba gye munonga omu magara gaawe.

Ohiiriirwe n'omuntu ozoora obwengye, Kandi n'omuntu otunga okwetegyereza; Ahabw'okuba omugasho ogurimu nigukira ogw'omu feeza, Kandi n'amagoba gaabwo nigakira ag'ezaabu; N'obw'obuguzi bwingi okukira amabaare g'omuhendo, Kandi omu bi waakwetenga byona, tihaine kirikwingana nabwo.

Ebirungi ebiri omu bushoboorozi bwawe, Otaribiima ababishemereire.

MUKAMA ahabw'obwengye bwe akahanga ensi, N'eiguru yaarihamya ahabw'okwetegyereza kwe.